10個月

嘻嘻...........又來月度報告了

踏入第10個月, 芝士餅好似識多o左野, 而且仲愈來愈冇時停

今個月芝士餅令人興奮既樹有:

 終於「媽聲四起」了  

 識聽指令, e.g. arms up, give me 5, waving / bye bye (不過呢隻餅勁有性格, 佢學識o左之後再叫佢表演就唔show人, 但間唔中就自我表演, 哼)

 上面右門牙爆了出來 (仲好大隻下呢)........e家有3隻牙仔, 剛剛發現佢好似有5隻谷-ing中, 所以呢幾日好扭呢 ~

 可以自己拎餅擺入口食了 (well, 但仍然唔大愛食)

 終於可以扶到床邊企到了......上個月尾收起塊play mat 換o左張網床(又稱水飯房)係廳, 餅餅係水飯房玩o左兩/三日就識企了 可惜, 原來係惡夢既開始......e家一起身就一定即刻企係身, 仲伸手拎床頭櫃既東東有時都怕佢會由床仔上碌落來, 所以都即時校低張床 (另外, 又開始放手俾佢同姐姐訓返自己間房)

 仲可以扶住網床邊行來行去啊 , 亦都因為貢成日都冇時停, 坐唔定 (災難小姐即刻諗佢會唔會過度活躍啊)

唔知係唔係冷得街多同上o左playgroup, 之前見親我d朋友都怕怕地既餅, 今個月有great improvement呀, yeah  

其他方面.............食方面: 飲奶奶就仍然好fluctuate, 間唔中有幾餐可以爆樽, 但有時又  不過粥仔同糊仔就 今個月終於try了三文魚~

可惜水仍然唔大好, 而且仍然拒絕用學習杯

訓方面: 日頭訓少o左..........之前7am食完早奶會再到11am, e家好多時9:30am/10am就起身, 之後既就由粒幾鐘變成nap nap 15-30分鐘就起身 (唔通大o左就會少o左)

Anyway..........見餅餅仍然快快樂樂, 健健康康, 其他worry就唔理住了

不過, 我發覺餅餅開始有脾四了 (所以我叫佢做"臭四餅"), e家有d東西唔俾佢再玩or 佢想拎既野拎唔到時, 佢居然會噴鼻氣or "e-e-or-or"  

而且又鍾意將玩玩下既東西掉落地, 我們執起佢又掉, 仲會奸笑.......通常係第3次之前我就會同佢講再掉就要say, 因為佢掉落地即係唔想要or 東西俾佢掉到好痛要返屋企............貢講唔知佢明唔明, 當然第一下佢仍會噴鼻氣or "e-e-or-or" , 不過我唔想佢做小霸王, 唔想太就佢, 希望佢明白啦 ~

umm..........睇來我要盡快睇晒手頭上既育兒書籍吸收多d info先

芝士餅: 媽媽希望你唔好人愈大, 愈頑皮啦.............我當然愛惜你, 但我們唔可以去寵壞你...........我好怕自己過份既關懷會令你成為"港孩", 怕會令你失去自我照顧的能力, 怕你成為小學..........媽媽知道自己要不斷去學習去睇書去訪問其他媽媽如何去教導你............before that, 我同爸爸都要學習如何做好自己, 因為身教的確好重要, 人在做, 天在看, 我們是你的榜樣.........芝士餅, 爸媽都要加油啊!

============================================

感謝 ggmamafamily 提供以上資料

ggmamafamily的網誌: http://gg-mamafamily.blogspot.hk/

============================================