四個月大啦 ^.^

2011.3.1 (星期二)

上次打完篇三個月大既網誌冇耐, 又再來打四個月大既網誌lu

望返轉頭, 完全想像不到原來四個月係過得貢快

芝士餅已經唔再叫做new born baby 啦, 佢踏入另一階段啦

踏入第四個月, 芝士餅既反應 (視覺, 聽覺, 觸覺) 的確比之前多o左好多好多  而且又成日同我們講bb話 (我超愛聽啊), 加上佢成日笑笑笑既霖功的確引屎人

 

不過.......同樣地, 嘆奶/厭奶既古惑招數亦愈來愈多, 連去醫務所食輪狀疫苗時醫生都話佢擺食既招數好古惑 (佢最近識雙手推奶樽 or 扭身扭勢去擺飲 or 含住唔吞吐番出來 or 扮咳之後堅嘔來凶我o地唔好迫佢)

飲奶方面的確攪到我同99人都癲........不過性格樂觀既爸爸 (定係佢唔多水餵唔知我們辛苦), 佢就成日同我講: 你想個囡除了食奶唔好但其他野樣樣都好呀......還樹樣樣野都唔好就只係食奶好?!

唉...........佢貢講又不冇道理.........上次見佢朋友個囝除了食奶勁快勁chur之外, 就成日扭抱扭喊唔跟人.............well, 真的是世事不可能盡如人意, 我知道個天要繼續緞練我既耐性, EQ同time management, 為了芝士餅, 媽媽要多多努力啊!

呢日去健康院, 由衷的感恩..........因為芝士餅有6.7kg (14.7lbs), 可以lie on 75% 條curve, 而且姑娘同佢做既test (眼仔識唔識跟住物件走, 手指仔既零活程度)都合格啊 

芝士餅: 你要繼續努力, 多多同爸媽合作成為一個健康快樂的小寶寶啊!

============================================

感謝 ggmamafamily 提供以上資料

ggmamafamily的網誌: http://gg-mamafamily.blogspot.hk/

============================================