探險家攻略 > 峇里自遊行Day 4 – Uluwatu Temple烏魯瓦圖廟, 金巴蘭神鷹文化公園 + Watermelon Spa at Anika Spa

峇里自遊行Day 4 – Uluwatu Temple烏魯瓦圖廟, 金巴蘭神鷹文化公園 + Watermelon Spa at Anika Spa

由晉盈遊於 2013-09-07 00:00:00 發表 | 累積瀏覽 541

分類：

尋晚番到酒店一路諗今日要做咩，原本我plan既時候係諗住做下spa同在市區行下，但依幾日覺得市區又亂又無咩野行，所以我最後決定再包車去睇下風景，之後就直接去機場。經過一晚思索，我決定去峇里南部既Uluwatu同Jimbaran睇兩個景點 - 烏魯瓦圖廟同金巴蘭神鷹文化公園。

一早我就叫Hotel arrange包車由10點到4點，咁我地就可以好舒適咁玩。Check out時都有落雨，不過之後就好天了！

酒店包車係400000IDR，我都覺得可以接受的，雖然只係包6個鐘。下圖坐車時經過的一個statue。

第一站到了烏魯瓦圖廟Pura Luhur Uluwatu (Uluwatu Temple)。

Quote from tripadvisor：烏魯瓦圖位於巴厘島的最南端。烏魯瓦圖有着很高的懸崖，懸崖下海浪很大，感覺很震撼，中國人喜歡叫它情人崖。烏魯瓦圖也有一個寺廟，不過遊客不能進入参觀，只能隔着圍牆看看。另外，來這兒要小心猴子，猴子會搶眼鏡！

烏魯瓦圖情人崖，感覺好壯觀呀！好彩有到依個地方，風景好靚。

烏魯瓦圖廟孤傲聳立於峭壁上。

海天一色的印度洋景致。

有d似我去過愛爾蘭的Cliff of Mohar

第二站我地黎到金巴蘭的Garuda Wisnu Kencana Cultural Park(神鷹文化公園)

Quote：Garuda指的是神鷹 Wisnu Kencana指的是環境保護神，神鷹文化公園建於採石場遺跡上。公園正中央有個遼闊的廣場，廣場旁可看見一座座被割切平滑的山，猶如巨型大刀切割而成的藝術品。占地240萬平方公尺的神鷹文化公園是從印尼首任總統蘇卡諾 Sukano時代開始建造。山上豎立著一座巨大20米高的Wisnu銅像，不禁對此高不可攀的神像豎起敬意。神像後方是高18米的Garuda神鷹坐騎，神鷹並沒有完工，建成后會是一座高150米，神鷹展翅橫跨64米的巨像。蘇卡諾下臺后再由其兒子繼續這個浩大的工程，結果在其父子垮臺后，工程不了了之，Wisnu不能如神話般架騎Garuda。

黎到依度緊係睇依隻巨鷹啦。

神鷹淨係得個頭，如果有埋個身一定好宏偉。

除左神鷹外仲有巨佛。

巨鷹下的廣場

越黎越多人，好彩我地黎個時無咩人!

我地係度食左最local既印尼面，好好味！15HKD一碗。食得無咁飽可以一陣做Spa舒服d。

鷹神。

離開bali前，我地去到機場附近的Anika Spa，再做骨精。Anika Spa就距機場5分鐘車程，我咁既安排可以用盡我在峇里的時間，不受經常出現的窒車影響。

地方唔錯。我地2:00pm黎到，我選了USD45兩小時的Watermelon Spa，媽就選了USD55兩小時的Banana Spa。其實我想的USD70的朱古力Spa的

先浸腳同按摩腳。

我同媽各自一間房，房間好traditional，有冷氣，佢按完我全身後，會茶d 西瓜汁既野落我全身同塊面，再焗一陣，令到全身都西瓜味，好正！

按完佢走左後仲有得浸下心形玫瑰浴，情侶黎到就可以…

做到4點就離開了，我地4:15PM就到機場，我地6:10PM機，所以時間岩岩好。交左一人150000IDR離境稅後，就入到入面了。Bali機場有很多店鋪同食店，不用擔心買不到手信或沒地方吃。

我們在其中一間手信店買了3包印尼蝦片後，就去食個early dinner。

回香港了，這四天真快過！

Tips:

記住留番一人150000IDR做離境稅。
其實我覺得香港航空好好丫，番黎無delay，我唔明網上個d不盡不實的留言是否國泰打手。
Uluwatu Temple要小心d Monkey搶眼鏡，我成程都捉實。
Anika Spa應該係其中一間最接近機場的Spa，環境價錢都可以，預早在網上book定會有優惠。不過，大多數住Kuta區的人都會選擇最出名的Ratu Spa的。網址：http://www.anikaspa.com/
神鷹文化公園入場費貴(80000IDR一人)，要有心理準備。網址：http://gwk-culturalpark.com/
由Kuta去Uluwatu Temple超過1小時，但看到的風景這麼美，都是值得的。網址：http://www.uluwatu.org/uluwatu.shtml