Day 9.1 – 冰城哈爾濱@龍塔

好快就黎到行程中既最後一日，我地係酒店食完早餐後就同酒店個個人講我地今日既行程，首先會去龍塔再番番中央大街食lunch，之後去極地館同冰雪大世界。佢同我地講只要比入場費佢先，就可以免費送我地去龍塔，同免費接送極地館同冰雪大世界。超好呢，我即刻答應左！

佢一架專車淨係車我地去龍塔

約半小時(塞車預左)就到左龍塔喇….其實黎依度都係因為無地方去…虎豹園又太遠，咪黎依度lor。入場費一D都唔平，要￥135一人，感覺搵笨….什麼龍的傳人上龍塔，我一定唔會有下次

入到去就係咁

個龍塔入面有好多個館，好似恐龍館，ET館等等，我都未見過一個廣播塔下面有咁多奇怪無凌兩可既展覽

G樓的恐龍

一樓的恐龍展

ET

行哂好多個無聊館之後，就塔一架慢的電梯上去，相比起101的電梯，佢真係太慢了

上到去，只見倒下雪的哈爾濱””””

可以行出去，但地下好滑，好係流冰咁…要踩住d雪既地方先可以前進

龍塔自拍

之後上到最頂層，係一個咩唐朝展，勁無聊，極速行一圈走人

觀光層都有室內既一層，話說我地可以行上去玻璃地上行一個圈，點知原來要比￥2買隻拖鞋！痴線，極度唔順氣，走人！

離開龍塔，我可以講龍塔係我上個咁多個塔中最廢既一個，又離市中心遠，真係唔值得一遊。

之後搵巴士番中央大街，點知搵唔倒個站…加上我唔聽小盈既意見…結果只好打的番歸。我地lunch黎到依間露西亞餐廳，就係我地酒店後面一條街，係一間黎到哈爾濱一定要去既俄羅斯餐廳。

入面裝飾好靚，入黎嘆杯咖啡一流。關於露西亞餐廳，會係飲食篇作詳細報導。

有好多人影相”””

下一站：極地館

============================================

感謝 晉盈遊 提供以上資料

晉盈遊的網誌: http://chunyingtravel.com/

============================================