❤ 塔門涼涼爽爽 ^o^

由 SweetBlog 於 2012-09-26 13:54:27 發表 | 累積瀏覽 4245

分類：海灘郊遊；地區：西貢

我們依然很相愛就如同每天都是情人節一樣
如果要問為什麼我真的解釋不了到底為什麼
這大概因為愛吧感謝天父爸爸一直看著我們
我們之間重溝通就算沒辦法當下分享些趣事
我會mark底左先到見面一一說出當時的快樂
我的幸福是因為我擁有一個願意和我一起堅持努力的人♥

今日天氣清高氣爽有小小陽光其餘都系陰陰地真系無哂黑到(好高興)
在黃石碼頭準備上船囉原來這邊的水都比較清可以看到一點石頭呀 ^^

開船啦開船啦 (一直好興奮當中)

我們選了最後一排坐超涼爽呀冇得頂呀 ^^

好野 ~~ 我們到塔門啦後面都有一些彩色的村屋我好心急想快啲上船 ^o^

塔門我們來啦 (^o^)/ yeah~~~~~

到步即刻搵野食呀去左間blog友介紹既新惠和姨餐廳
入面都系最多人既一間餐廳哈哈

果杯首創無冰凍奶茶我地真系笑到哈哈聲 XD
男人話咩叫無冰凍奶茶呀擺落雪櫃就系咁叫嫁啦哈哈
我5識講返我都笑到見牙5見眼啦總之

1) 好彩我影到佢呢一張哈哈(快手)
2) 新惠和姨都系用我地平時屋企既煮食爐便宜又做到生意呀勁!!

埋單果時我同新惠和姨講左句好生意    佢叫我地玩完返黎食豆腐花
哈哈真系識做生意呀!!!   底佢好生意   多d人光顧呀

食飽飽出發啦上到天后寶樓行左邊條樓梯一路上
地下都會有d印字提示嫁我一路都講好好玩呀好得意呀哈好似有種探險feel

黎到好似有個十字路口既地方 5洗怕向前走就是啦
一路沿途男人都話好大陣屎味呀牛屎味呀哈哈
我就答 : d樹林味好好文 haa

呢個足球場男人話系到踢波真系爽到爆呀
我答: 執波執到傻呀趺埋落海喔哈
應該都好小有人book嫁啦
因為d波一踢到出去就冇嫁啦
會一路向山波下滑哈

我地上左個涼亭先行呢條路上 d樓梯好好行既整得好靚

不過我一路系咁講仲未行完呀行完未嫁哈哈幾長下好似xd

個彩彩風車我都有帶埋去影相相 ^^
吾洗轉   d風已經幫我手轉得好快好快呀
睇我d頭髮就知   真系好大風   果時開始天陰陰啦
我地都好擔心會落雨   因為周不時會有雷聲
好彩老天保佑   .....    比我地可以玩埋先 ^o^

這張相是男人話要咁影懶系話一路都會陪住我行以後既路喔

咁承佢貴言一路都有你陪住我行啦 ^O^

回向過來呢個影相位好靚呀
其實下面個石灘我好想去呀
男人話我今日著錯鞋加上天咁樣
以免落到去發生危險呀 >< 唯有遠望當落左去啦 ^o^

上到涼亭啦我好5捨得走因為身在那裡好舒服 .. 抖下影左下相
男人就話要前往下一個地方趕住坐4:20既船好靚呀個風景 ><

海洋成水平線隱隱約約不過可惜天氣陰陰地有好有5好啦

好既就系冇哂黑到冇汗出

5好既就影相效果差D 色彩暗D ><

呢張男人渣機渣得好好 Haa 其實佢今次真系好好無得頂
有佢先可以黎到呢到玩哈哈咩都依賴哂佢 ^^
如果有藍天白雲實好靚可惜......

我地行返條樓梯落去路 .....

拿睇下@@ 條路真系整得5錯嫁好平坦行得好舒服 ^^

是但搵左個草坪坐底休息下   haaa 我帶左私人吹波波黎玩呀
好好玩呀   系文具店買既$6蚊大大枝玩好耐呀
而且風好大根本5洗吹佢就好多波波出黎呀
風吹到佢地好快走.. 相機影5到d咩咁現場好靚其實好耐都冇玩過啦

啊~    我今日   好   開   心   呀   (高聲大叫)

會有種回音好好玩呀一路講就算比人聽到都冇所謂.. 好難得都可以咁樣歡唱 ^o^

好大的風聲有海水味風好大 d草草味

令我覺得好enjoy 好輕鬆 ....

談談情說說愛好浪漫好開心好快樂 只因你

前往疊石囉 ^^

哎呀>< 相中啲字我打得好細隻tim 我地頭先系最高個頂頂涼亭玩完

去到中間草坪玩吹泡泡在到下面系有條路仔落石灘 (男人就系話5比我地落) ><

睇返張相我地咁就行左過另一山頭囉 ....

沿途都會有d休憩設施都5錯嫁

1) 心連心    去到哪裡我們的心都有對方 haa (怕羞中... )

2) 仲會有人系果到露營tim   男人講果d牛牛乾便便就可以生火

果到牛牛真系多過我地d人呀 @@ 男人廢究阻住佢地搵食

行左另一條草路走去下一個地方哈哈牛牛都幾聽話呀 ^o^