最近除了出席各品牌的發佈會外,仲報左兩個短期的興趣班
一個就是麵包中班 (上星期已經上了第一課,見返初班的同學同阿sir)
另一個就是我今天想分享的 ~ 馬賽克工藝製作初班啦~
上星期三晚終於開始第一課,趕到時已經開始左
地點是在尖東的半島中心,我由地鐵站行過去都幾遠
幸好今次是第一課,導師都是在介紹馬賽克的歷史
馬賽克(Mosaic)並不是新事物,已經有幾千年的歷史
比較盛行於歐洲城市,亦有教徒會用呢個方法去表現宗教意義
(我知有人會叫當中的材料--"紙皮石"做馬賽克,其實不盡是對的,
馬賽克是指其鑲嵌技術,只是因為大部分人都用紙皮石作材料而已)
其實香港都有很多馬賽克的芳蹤,只是大家沒留意
先貼一下照片~看看大家有否留意到她們? (Copy From Artsquare Homepage)
導師先介紹一下唔同的材料,有些是玻璃閃粉磚,有的金絲在面,亦有透明質感的
要留意的是各種磚的厚度都有少少分別哦~
如果要來砌椅子枱面就要注意啦~ (作品完成了可能有高低不平的情況啦!)
說著說著又到大家動手的時間
同學們可以隨便用店舖內提供的各種材料
一時間有咁多唔同顏色唔同質感的東西同時出現,真係花多眼亂,有d暈~
最後我做了這個半完成品 (又是一貫作風,閃到阿媽都唔認得~![]()
)
同場加插隔離位同學仔的作品~
經導師Maggy三兩下手勢,就拼出花花圖案了~勁!!!
完成之後就四圍拍照啦~
看看店內的其他完成品~
馬賽克除了可做成大掛畫掛在地鐵站外,也可以做成相架,音樂盒,鏡架......
店內有散裝材料買,亦寫明10g約有多少塊,方便預算
買夠$100仲有折的,另外亦有音樂盒機芯同其他不同大少的材料
Artsquare 除了有馬賽克課程外,仲有彩瓷的課程
artsquare 除了提供為期六課的短期課程外,亦有一天的課程
如果想送份獨一無二的禮物俾摯愛親朋~大可以考慮一下呢度
時間仲可以任選,o岩晒忙碌的香港人
(絕對冇上次o個間FotoDeco咁,咩都唔俾人用,非常Hard feeling)
有興趣可以去官網看看~
http://www.artsquare-workshop.com
地址︰尖沙咀麼地道67號半島中心一樓122號舖
電話 : 9793 6282
p.s. 我上堂時在拍照,導師很奇怪的說"不准拍照",難道她不知道現在已進入"全民皆Blog"的情況
大家都愛在Internet 上分享自己的所見所聞, 我做左咁耐Blogger都未遇過呢個情況
有人寫即係間接有人幫你做埋宣傳,我諗唔會蝕啦~除非好似上次間死野咁,我一定會唱衰囉~哈
下次會同大家分享我的完成品
Contact Me: littlecatt@gmail.com
FB Page: Kawai / Small Talk Corner
Blogspot。TheZtyle。Beautylife。FanPiece。
BECB＠Beautyexchange。Openrice。She.com。
============================================
感謝 Kawai 提供以上資料
Kawai的網誌: http://iamkawai.blogspot.hk/
============================================
