最近少了發文,原因不外乎是天氣凍想冬眠,
(但偏偏我就是不吃藥睡不著的人,只是在攤屍)
新年前認識了一個DIY品牌的老闆娘,試過小麥草同花水都唔錯(舊文可按我)
亦因為產品有效果,令到我對她的其他出品有信心,
一過完年假我就急不及待去入貨(這篇不是試用文,是我真金白銀買的!)
去之前我已經睇過website做左功課,想試一下甜睡茶是否真的有效
當日老闆娘已經同我左隻茶"好勁,
試過有阿媽飲左之後第二朝起唔到身煮早餐俾仔仔食
亦有好多客見佢冇咩味,就飲多兩杯,結果又係遲到啦
而我首次的結果係瞓唔醒囉(12小時後才叫醒少少)
o個晚我用一茶匙沖一杯水(茶樓o個d茶杯仔size),飲完一陣就開始眼瞓,似食左藥咁
第二日9:00我要去TMH睇醫生,8:00我媽叫我起身,我仲以為佢係叫我妹,
之後去到醫院不停在"釣魚",連醫生都話我好靜 (可能我平時太多口)
睇完醫生亞媽話去飲茶,我都話好眼瞓唔去啦,之後下午坐巴士瞓左45分鐘先叫醒少少
而我媽的情況(因為我媽想知咩味,叫我留返兩啖俾佢,所以我其實飲唔夠一茶杯),
佢飲完第二日差D唔知醒叫我爸返工
因為佢咁勁,之後o個幾日我都只敢飲一杯(半茶匙茶葉)
而我妹亦都有試飲過(佢話自己瞓得唔好),佢見我瞓成咁,只敢用我飲完之後的再沖水
佢話第二日唔想返工想繼續瞓~
醒左之後的感覺係平時冇食藥咁累,瞓醒之後係精神好o既(有時食藥瞓都會累的嘛!)
而家我已經沒有飲茶已經可以有睡意,換言之我已經連apo-seroqual都戒掉了
但我每晚都有繼續用老闆娘介紹給我的甜睡皂,
其實初時佢介紹"番皂"俾我,我立即話唔好啦,時光倒流70年咩,用番皂好煩,又要安置佢
但佢話我試左一定會鐘意,見唔係太貴,就買來試試
佢係比我用o既沖涼液滋潤d,唔太多泡泡,但覺得比之前用o既沖涼液乾淨
用完真係有d relax 的感覺,好似鬆左d咁,但佢又唔係好大陣薰衣草味(其實冇咩味)
而呢兩件產品加埋大約190左右,誠意推薦俾各位有睡眠問題的朋友
(amiz 通知:5月花茶會加價哦!)
============================================
感謝 Kawai 提供以上資料
Kawai的網誌: http://iamkawai.blogspot.hk/
============================================
