開架價錢,專櫃成份-- Garnier Age Lift

還以前細個時,聽Auntie姨姨媽媽(一眾女士們)講:"呢d唔o岩你用ga,因為你太細個,唔需要用到呢d抗衰老系列,等你大個d先啦",而答案中最"多出現"的數子就35歲啦~

但自從去年開始成為Beauty Blogger之後,品牌們都表示抗衰老的第一課.都係愈細個愈早做係最好的,預防勝於治療嘛!可憐的我又浪費了很多光陰了

今次試用的是Garnier Age Lift 的日霜, 佢係開架品牌,但品質一D都唔差,
看我家裡有的其他Garnier產品

其實呢條Line出o既時候,我已經好想試,因為一來都覺得佢地o既產品係"worth to buy"的,
亦想好似劉若英咁靚,因為我知道劉小姐對選擇代言產品好小心,唔係有效都唔會接,
連佢都肯接拍廣告,對於我來說,真的信心加多100% 啦

產品包裝亦有劉若英的相片,亦有介紹產品的成份

一支50ml,以每天只用一次來說,應該可以用上數個月,以$109/50ml來說,不算貴
有興趣可留意mannings,有時還會有30% off 啦~

產品質地不是很易推的,可以說是比較厚身的,但推薄了之後又唔會有lup的感覺,
係有滋潤感,亦有少少的調色效果,塗完有少少紅粉緋緋的感覺!!
看一下它的質地及用前用後對比: (用後照是用了7天後拍的!)

用了短短的7天,我覺得亮肌效果最為明顯,塗完之後立即有"叮"一聲的效果,
立即加了光澤感,而用了它亦沒有了出油的問題,
至於其他的去斑去紋效果就麻麻,我相信抗衰老工程並不是一天完成的
我會繼續Keep住用,或者一個月後再和大家分享吧!

唯一覺得奇怪的是,它說是日霜,但沒有資料說明有多少防曬度數,還是沒有防曬的效用呢....

產品介紹:
Garnier 緊緻修護多重抗皺潤膚日霜,配方蘊含革命性抗衰老分子膠原重塑因子(Pro-Xylane),源自山毛櫸樹,激發膠原蛋白形成,增強肌膚天然的支撐力 (經過7年悉心研發),更含有美白因子維生素CG,延緩黑色素形成,使肌膚更加明亮

而且Garnier一系列的產品都有經過皮膚科學測試,亦專為亞洲肌膚研發

伸延閱讀:
不得不介紹的平靚正Toner