一直見悠悠咁中意煮野食,都好想去參加下啲親子煮食班既
不過外間真係依種煮食班唔多
今次見到Easy123有親子班
咁我自己平時都成日有整cake同曲奇
咁當然唔整啦...雖然親子啫,咁都真係要學下野既
所以就揀咗點心班,有悠悠好中意食既蝦餃學呢
準時12點到達尖沙咀K11門市
課室都幾乾淨整齊,感覺都唔錯
今次有5組學員,但另外4組係朋友
得我同悠悠一組唔識大家,感覺有啲怪
不過都多得佢地,我地先開到班啦
因為最少要有兩組報名先會開班
依間課室門口有好多好靚既cake呢
我同悠悠都影影影左一輪
跟住人齊,終於開始上堂喇..
首先第一個點心就係墨魚春卷
依個最簡單,師傅已經打好墨魚膠
我地只係學包,好岩小朋友玩
包好佢地有人拎去炸
依間學堂係鴻星集團既
隔離就係佢地既食店
所以好放便
跟住第二個點心就企鵝仔
我唔知佢應該叫乜野名
入面包住啲奶黃
依個又係皮已經搓好
我地只係包同做成企鵝仔型
依個難度好高
包到好醜怪...keke
第三樣就係蝦餃喇
今次難度係5粒星
跟本小朋友係做唔到既..
師傅已經壓好埋蝦餃皮
又整好個餡,我地只係包...
依個係師傅包既...勁靚呢
跟住到我.....醜到爆呀...哈哈哈
師傅仲包左隻兔仔型既送比我地,超勁
悠悠好開心呢
整好晒之後
大家都拉住師傅合照
師傅知道我地同其他人唔識既
都好照顧我地,主動拉悠悠影相呢
真係好好人...
啲成品都出尼喇...
跟住仲比左幾款小點心我地食
又幾好呢...原先諗400蚊一堂都幾貴
但原來有咁多野食..又好似幾抵玩呢
(仲有個生煎飽唔記得影添)
咁樣過左個好開心既中午呢
