去上完點心班
二妹話帶埋悠悠既小表妹入尼將軍澳飯聚
一直大家都未諗到食乜好
小表妹又細,得幾個月大,唔係間間食店都放便
最後決定都係返媽咪到自煮
媽咪去左打牌
唯有我自己下廚
同老公去Aeon買餸,返到去都成6點
好彩唔係好多人食
唔洗煮太多
買左啲壽司,自己煮三個小食
再配三個冷盤
咁就夠晒啦
冷盤有必定要食既沙律
依個菜係由悠悠負責主理
佢又鋪排得唔錯噃
仲有巴馬火腿配哈蜜瓜
老公負責切瓜同卷
卷得確實有啲肉酸...哈哈
之後大家都咁愛既生蝦
但..媽咪竟然將佢支泰式醬汁比左人地
唯有用黑醋算....
太可惜...生蝦無左靈魂呀~~~
小食有生菜包
媽咪屋企無魚露,差咁啲野咁
跟住有我至like豬腩肉露荀卷
豬腩肉超香,露荀清甜,絕配
再尼串燒,有蕃茄京蔥雞肉串
媽咪屋企無焗爐,所以係煎既,都唔錯呀
咁又完成飽飽既一餐
今餐六大一小,一共只係400蚊..出街食真係點食到呢...
