攻略日期：2010-03-20
今日, 襯老婆帶左雞雞返婆婆家午睡, 忽然想執下個玩具櫃.
心血來潮係因為有機會可能告別我的玩具櫃. 所以, 4年無影下D玩具, 今日就上影下影, 左影右影...
香港真係大塵又潮濕, 部份銀色既合金都開始氧化, 有D玩具更加發霉, 抺極都抺唔走... 真係肉痛死我, 有D後悔當初擺晒出嚟. 玩具真係收埋係個盒入面, 得閒先拿出來玩下就算. 哎呀..心痛死我啦...
正當我心痛與肉痛之際, 門又突然打開...
好驚呀...破壞王返嚟啦...我成個城門拆左出嚟...真係好怕敵軍突然駛出狂風掃落葉招式...
所以, 即時叫老婆用萬二分力看實破壞雞王, 咁我就用9秒9速度執返晒D寶貝.
今日, 玩又未玩夠喉, 影又未影夠數, 窒住窒住咁, 唔知幾時又可以再有無王管既日子, 被我再同D玩具玩遊戲呢??
