7 估唔到 南生圍 原來咁熱鬧

今日同老婆去左"南生圍", 嘩!郊野地方咁旺過油麻地現時點商場.....

第一次去, 原來好鬼易去, 懶人方法可以係元朗市中心同益街市坐611小巴, 去到總站 (山貝村公廁)

 

 

或者好似我地咁, 元朗地鐵E出口過馬路,由元朗舊墟道, 經鐘聲小學到采葉庭右轉再直行, 又到達山貝村公廁

(建議各位去一去公廁解決定之後所需, 因為南生圍的幾可怕...)

山貝村公廁對面, 就己經有一個木牌寫住"南生圍橫水渡",  只要你直入, 就可以用$5蚊過海到達南生圍

交叉嘴今日都有同我地一齊去南生圍

一踏入去....嘩! 好正呀, 好綠呀, 好舒服呀, 好多蚊呀! 

阿旺套隔世追兇的場境出現啦, 快D用部大哥大水壺搵阿BENZ雄先

"銀樓金粉"第六集, 阿誠(胡諾言)就係這湖跳落去執條手巾.......

嘩! 原來這裡是重頭竟點來的, 超多人, 所有人都要一面畏蚊一面排隊

結婚的都無特權.....我影完先到你地啦....

估唔到南生圍有咁多人來, 就係影結婚相的己經有5組人.....

龍友又有4-5組, 家庭團的又有幾組, 拍拖情侶更多不勝數 ....... (估唔到今時今日女龍友人數都不少喎)

有人仲係個亭度寫生添, 不過, 行埋D, 睇真一點, 嘩 ! 相一樣, 唔係麻.....應該係專業....咁即係係度搵緊食啦....咁都係唔好阻你..

南生圍真係好靚, 加上今日天氣又唔熱, 係就係大霧左少少.........

不過,今次唔夠時間行晒所有地方, 下次有機會, 希望個天清D.....無咁大霧, 再黎行埋未行的靚景.

Facebook : https://www.facebook.com/hayakutang