制水飯 @ Siamama

今日同屋企人出去食制水飯..

乜野係制水飯???

未就係屋企制水,無煮飯,要出街食囉...kaka

 

今日去左Pop Corn既Siamama食泰菜

唔知點解最近成日好想食啲好香口惹味既野

但又因為悠悠而唔可以食辣喎...

 

今日本來諗住去食另一間既

但路過依間時..有啲吸引我

跟住佢再話..全部食物.除左咖喱外都可以走辣

正!!!!!一於go go go

 

當時係7點,仲大把位

座低馬上點菜

 

前菜係柚子沙律

好足料,成碟都係柚子,好味

 

 

跟住到湯,叫左個冬陰公湯

調味調得好好,酸咸辣度一流

最可惜係隻蝦係霉既,唔爽既

 

 

之後有二人份小食

依個真係唔太低食

好似要一百蚊左右

但得個幾舊仔

不過就全部都好味既...

 

 

再尼有咖喱豬頸肉配簿餅

咖喱好食,豬頸肉份糧都幾夠

 

 

 

 

菜類就點左馬介休炒時蔬

依個真係唔夠鑊氣,唔夠惹味

 

 

最後唔夠飽,要叫飯

叫左個蝦醬炒飯

唔知泰國既蝦醬同我地食開既係咪好唔同

我完全食唔到蝦醬味

飯都炒得唔夠乾身

 

 

叫左個椰青比悠悠飲

點知個衰豬唔like...

益左老公...

 

 

4大一細,埋單七百

叫做OK啦

有機會都會再食..