大熱天時踏單車(東涌--->迪欣湖)

係18.05.13呢個攝氏高達32度，而且香港係熱得黎冇風既情況之下，我成功說服我家陳先生、我3位友人陪我去一個未去過既單車行!雖然網上都有好多人寫日誌教路，但因為係我提議去踏，所以友人們就大安旨意等我带路!我呢個路痴亦以為沿路會有好多指示，結果令原本只需2個多小時既行程，最後用左4個小時才完成。沿路我地真係上山下海! 為什麼要上山呢?因為行錯左去梅窩既路，踏左20分鐘先覺得唔對路......踏返轉頭......就算我地開google map都唔知點行......開始時係由(大嶼山單車舖)起程，沿住大馬路踏出去，會經過映灣園，踏踏下就會見到油站，我誓估唔到原本油站旁邊有條只緊剩放得下單車既窄巷係通出去欣澳的.......之後，我地就係咁行錯路，完全唔知道身在何方.....只記得會下水渠道，踏時光隧道，條隧道會愈行愈矮......之後就要抬返單車上大路， 撇除我地踏錯路，再踏下踏下就應該會遇上另一條時光隧道，之後，就要踏大馬路，我覺得我們好似玩緊(三項鐵人)咁!!!到大馬路，遇到一位外籍單車高手，向我地伸出緩手，臨走時仲用古惑既眼神同我地講(ENJOY!)，竟然香港人身在香港要問外國人路，真係笑死人啦......終於我地冒住俾大貨車撞死既危機，好似打機咁同車輛賽車一番之後，我地終於到啦!!!!!!!!!!!

============================================

感謝 Crafting2gether 提供以上資料

Crafting2gether的網誌: http://crafting2gether.blogspot.hk/

============================================