05/07 剛愛上食生蠔不足一星期便被魔鬼朋友拉咗去學開蠔 ,
其實魔鬼朋友既重點係諗住學蠔既處理過程 ,
而我呢就係有朋友陪就一齊去玩下啦 ! ( 其實開頭都有少少緊張架 ! ^^ )
準備開始喇 !
呢盤就係我哋上堂用既蠔
這個開蠔班會供應兩款白酒以作配搭食蠔之用
" 澳洲 Coffin Bay "
我就係因佢而開始有少少愛上食蠔的 ^^ ( 可能佢比較爽口 )
阿Sir講解完示範完當然輪到我哋呢班新手學員自己嚟啦 !
我真係自己好努力咁親手開蠔架 !
唔好話朋友估我唔到 , 就連我自己都無諗過自己會做得到 ^^
開第一隻時開到一半又開唔到都唔知點算好 , 咁人邊既朋友就叫我扯開佢 ,
點知比阿Sir發現咗佢叫我唔好又問我係咪想就咁扯開佢 ,
哈哈................比人發現咗唔正規添 ! 跟住唯有好努力咁開埋個半隻啦 !
好彩終於都比我開到 yeah ! ( 但唔記得拍照添 ! >.< )
到開第二隻時對於我來說是超高難度努力完一輪後都係開唔到 ,
跟住阿Sir要講嘢所以佢叫我等一等講完再幫我 ,
雖然呢隻蠔最終都在阿Sir的幫手下開咗 , 但之前辛苦完一輪無理由唔影低佢架 !
" 南非 Namibia "
Wow.................好開心呢隻蠔好易就開到 ^3^
可惜到第二隻時又有少少難度不過最終都可以開到 ,
我不禁問阿Sir : 你點解每次都俾一隻易一隻難既俾我既 ? ( 講笑咋 ! ^^ )
" 法國 Fine de Claire "
法國蠔每款只得一隻有少少唔係好試得清個味 , 但感覺都好似幾好
" 法國 Sea Princess - 海公主 "
阿Sir話呢款蠔係出邊是吃不到的 ( 食開蠔既朋友都話係 )
及後回家上網搵資料才知原來這款蠔的背後是一個淒美的傳說 ,
話說以前法國有個公主與當時一位將軍 Wolfe 訂下了婚約 ,
可惜剛巧遇爆發歐洲著名的 7 年戰爭 ,
每個國家都為捍衛自己的殖民地而打仗 , 將軍 Wolfe 亦被征召 ,
出戰時將軍 Wolfe 約定公主在法國 Isigny sur mer 的海灣相見 .
漫長的戰爭結束了 , 將軍不幸在加拿大戰死沙場 ,
公主得悉這個消息 , 傷心欲絕 , 最後更為情自殺 !
蠔場主人為紀念這個淒美的愛情傳說 ,
所以將 Isigny sur mer 這個海灣出產的生蠔命名為 Sea Princess .
唔知大家又認為呢個傳說感唔感動呢 ?
網頁還介紹了這款生蠔口感 Creamy , 入口海水味不太鹹 ,
蠔味突出 , 礦物味十足 , 餘韻悠長 . ( 上述資料源於Ocean Three網頁內找到 )
講真二百幾蚊上一個開蠔班都算幾抵 ,
當同朋友 gathering 也不錯因整個氣氛都好開心好好玩 ,
經過今次的課堂令我感覺自己即開自己食真係好 "鮮" 味好 "正" ^^
最後更加要多謝專業的開蠔導師阿彥的教導 ,
他教授了簡單的開蠔技巧及一些處理蠔的方法給我們真的很實用 .
