開心暢游在石澳

5 JULY 2014(SAT)

參加完親子防晒工作坊之後(請按此)，趁打好左個防晒底，所以我地即刻去同陽光玩遊戲啦~

其實咁好嘅天氣真係唔可以浪費，見我地參加完工作坊之後，預計入到去到沙灘都只係四點幾，過左烈日當空嘅時候，所以就可以入石澳玩一轉，等小小豬可以玩玩沙同游吓水。

小小豬一換上游衣之後，就已經急不及待要去玩啦！

首先都係玩吓沙同係海邊玩吓水，WARM-UP一吓先~

先嚟拎埋啲玩具係岸邊玩吓先~

見到有啲小船，小小豬又話想上去玩，一個廿四孝DADDY當然即刻帶佢上去玩一陣啦~

之後大肥豬就開始教小小豬游水，睇吓佢地兩父子玩得幾開心，簡直令我有點兒妒忌呀！都只係怪怕自己肥，怕著泳衣會嚇親人，所以冇帶埋去沙灘。睇嚟下次我應該唔理咁多，著埋泳衣同小小豬一齊玩呀~

回想起上年要小小豬落水玩都要用好大嘅氣力，仲要小小豬一啲都唔享受。不過，大左一年真係唔同啲，依家小小豬都完全唔洗我地叫，佢地會衝入水度，仲玩得不知幾開心呀~

佢地兩父子又偷偷地上人地隻小船玩呀~

唔覺唔覺我地係沙灘都玩左兩個幾鐘，玩到啲水都開始凍，雖然小小豬都係十萬個唔願意，不過為免佢凍親，所以又係時候返屋企啦~

上左水之後都仍然唔肯走，要係沙灘度跑幾轉先肯走呀~

小小豬真係越嚟越鐘意玩水，佢一落到水就開心到不得了。不過係游水方面，都仍然要大肥豬努力啲咁教啦！

唔緊要，我都計劃依個暑假內教識小小豬游水，依家先係暑假嘅開始，所以嚟緊繼續帶多啲佢去沙灘、泳池玩，咁好就可以學識游水啦！

MY FACEBOOK~


MY WEIBO~

MY E-MAIL~

 

其他博客區
※※ SINA ※※

※※ MyBB星級Blogger ※※
※※ BlogSpot ※※

※※ WeShare ※※

※※ She.com ※※

※※ theZtyle ※※

※※ SeeWide ※※

 

※※ BK Milk 親子語 ※※

※※ Cook 1 Cook 星級廚師 ※※