油鹽水沙班躉
係街巿見到佢話呢個沙班躉靚, 見又唔太貴, 買咗$130,
都OK , 可以接受, 胆粗粗油鹽水做法, 因為唔想整紅燒,
炆個類型, 但係蒸又都唔太想, 結果就油鹽水做法, 嘩,
原來咁樣整又好好味架!
真係唔試過又唔知, 又多一種食法啦!
通常油鹽水我都係整鯇魚腩, 或者脆肉鯇魚.
1. 材料好簡單, 大頭菜2片切条先浸水, 備用.
2. 蒜頭2粒, 乾蔥2粒, 4片薑, 蔥.
3. 適量胡椒粉.
做法 :
將沙班躉先走油, 呢個步驟唔鍾意可以唔做, 不過, 都要落少許油
將佢煎一煎好D , 無咁易散同香D !
將薑片, 乾蔥, 蒜頭放入起鑊, 放回沙班躉同煮, 放少許鹽, 和少許
糖,水, 大頭菜同煮, 自己要試一試啱自己口味, 魚熟放入胡椒粉和
蔥絲, 上碟!
