珍貴的眉剪

我眉毛很短 , 眉剪用不著 , 所以不知道一個眉剪有多貴 ! 某天有一名女乘客因帶眉剪在身 , 被保安擮停 , 她回來櫃台找幫她 Check-in 的同事 , 找不著 , 就找上小妹 . 她說保安不讓她手提 , 要她回來寄 . 我告訴她寄 , 沒問題 , 但要放在包包或紙盒來寄 . 她問我打包在那 ? 我告訴她在 Area H , 並好心提她一下 , 打包是要收費 , 買一個盒大約五十元 . 她的反應是 , 你唔好去搶 , 咁貴 ! 之後佢叫我比個紙盒佢 . 我話公司無紙盒提供比乘客的 . 她望住我身後放登機證的紙盒 , 叫我倒曬裡面既野 , 比個盒佢 . 我即時拒絕 , 佢仲好意思問我點解 . 我仲好客氣同佢講 , 比左個盒你 , 裡面既野放邊 , 佢仲好好意思叫我比 50 蚊買返個盒裝 !!!! 都未見過咁野蠻既乘客 ...

掃把早就企左係附近 , 幫口 Say No ! 本來你客客氣氣都會比個盒你 , 但你竟叫我比 50 蚊 , 我仲幫你 !? 我忍唔住笑笑口問 " 小姐 , 你個眉剪好珍貴架 ? 你都去日本啦 , 日本仲多款 , 既然你唔買盒 , 又無包包可以寄 , 咁只有唔要 " 佢話唔可以 , 又話好重要 . 又話我 Check-in 時無提佢 , 我即時回應 " 我無幫你 Check-in , 就算同事真係無提 , 我地櫃台上都有保安物品提示 , 你領隊亦一定會提你 , 大陸保安一樣唔會比乘客帶眉剪上機 . " 佢一句回應 " 係你地無提我 , 我點知 . " 我心諗都成三十幾歲人 , 都仲有公主病 , 樣樣都係人地唔提你 , 你先錯 ?

眉剪小姐見我不為所動 , 好唔開心 , 問我點用 I-phone 打長途電話 , 目的是找領隊及朋友呻訴 . 她講左成三 , 四個長途電話 , 個錢都夠佢買新眉剪啦 , 都唔明佢個腦諗咩 ? 領隊來到都係叫佢寄 , 佢話我唔比佢寄 , 話我要佢去買個盒 , 叫領隊去問下一個盒幾錢 , 問完返黎話唔洗 50 蚊 , 佢即時話我騙佢 ... 我問領隊 , 咁即係幾錢 , 答案是 45 蚊 = = ! 我再笑笑口跟女乘客說 , 原來平左 5 蚊 , 咁你可以去買盒啦 ! 乘客話唔買 , 話貴 , 話要去寄存 , 我真係有少少燥底 , 忍唔住串佢寄存四日應該要成八百蚊以上 , 不過你可以再去問下 , 話唔定會平少少 ~

到最後 , 眉剪小姐睇中領隊個背包 , 要人地倒曬所有野放係膠袋 , 比個包包佢寄 . 佢自己個包包就唔寄得 , 人地個包包就寄得 ! 點解世上有依種咁好命既女人 ?