攻略日期：2012-08-25
是次消費：每人平均約HK$ 130.00
講開葡國餐就講埋呢間。第一次去試這間, 係從娛樂場行過來, 諗著食葡國野, 那兩間幾出名的等位的人很多, 見一間外觀裝置不錯的餐廳便入去試下
其實裝修係幾有特色, 可惜服務真的欠佳, 唔知係咪轉咗d國內職員關係。第一次係純就腳就入咗去, 隨便吃點東西, 那時人很多, 我們也說過不停, 亦不覺得態度有乜特別。第二次係同另一班朋友去, 人人帶了相機背包, 想取張椅放背包, 職員態度很差說不可以, 即使當時只有幾枱人, 旁邊有很多位, 有朋友無理她放了一陣, 一有人上樓就要朋友拿回來, 咁捧著個包包點食呢?
後來大家又繼續不斷傾偈, 有人話旁邊有一檔牛雜很好味, 建議去買來一試, 只係講下職員聽到即刻插咀話唔得, 大家唔理佢睇下食乜, 見我們沒有叫海鮮烤豬等菜色就黑晒口面, 很沒禮貌的取走了餐牌。
食物質素好一般, 不過佢位置好, 在小食街口, 所以應該好多人會撞咗入去食
氹仔舊城區官也街45號地下, 從娛樂城過來下樓梯就見到。
唔想受氣就行過少少啦!
