1

攻心計@職場版

小地勤點滴 於 2014-07-26 23:56:03 發表  |  累積瀏覽 786

分類:

Jul 11, 2012 8:43 PMPublicPageviews 1663 9                

很多同事 , 朋友都說我沒大志 . 有位上唔願上 , 有得升卻說辭職 .講真 , 我無咩上進心 , 唔想上位 , 只想安安份份打份工 , 無風無浪過一生 . 我成日同自己講 , 人地要上位就比人上 , 但求唔好踩我一腳就好了 . 反正 , 我的確不缺錢 , 不是我富有 , 只係我無咩慾望 , 無咩想買 , 亦無野缺少 , 心靈富足嘛 , 哈哈 ...


大家都知道我轉部門了 . 其實未轉部門前 , 我得到同事口中的大媽 , 細媽照顧 , 上面的確對我不錯 , 最少無人唔知我叫咩名 . 講真 , 公司剛開始 , 大把新同事 , 同級同事個個都話唔想升 , 無所謂 , 事實呢 ? 


真的好似後宮爭寵咁 , 我試過比人中傷 , 結果上面極度留意我 ... 後來當然是 , 我對 Airside 太熟 , 對 System 亦好熟 , 跟舊公司的 TO 亦有兩句 , 我既航班都逄凶化吉 . 後來就更加得寵吧 ! 是非亦由此起 , 總有人說 , 你好命 , 成日都做無特別既航班 , 當然做得好 . 我只能笑笑口 , 說聲是嗎 ? 心想怎麼我不覺 ? 


我的第一班機就報警三次 , Delay 到第二日 , 上埋報紙 , 被人拍埋片 . 之後日日十九更 , 我打 " 大佬 " 時 , 請問你們在做什麼 ? 每次呻完都只能說一聲 " 算 " . 鬼叫我個外形的確係適合被人蝦 , 人地都只係背後講 , 又無當面講 , 算係咁架啦 ... 這大半年 , 我好鐘意睇清朝劇 , 因為可以學下點樣應付那些不喜歡你的人 .


後來 , 不想做 , 一來辛苦 , 二來唔想日日為左自保 , 而算依個算果個 . 上面當然留 , 仲即時話升我職加我人工 , 真係嚇死我 ... 心想唔升得唔得 ? 因為我話唔做 , 就加快公司升我既念頭 , 這並不是我想的 . 知道嗎 ? 坐枱在別人眼中是不用出外面對暴民 , 做多左 , 我亦習慣 , 而且自問亦算盡責 , 亦真心為同事著想 . 


但總有人對我有微言 睇機仔 學人做坐枱 , 咩職級 , 點我做野 , 一係就話自己一定做得比我好 . 我不知亦不想聽 , 更不想跟人比較 , 但有些說話總會傳到耳邊 . 你想做 , 我就讓你做吧 , 結果呢 ... 同事們不服你 , 又是說我害你 . 無奈 ... 比你上位又唔鐘意 .


唔明 , 我都轉左部門啦 , 仲成日咬住我唔放 , 點解 ? 好采依到既同事都好好 , 個個都同我一樣 , 唔想升 , 但卻努力做好自己既工作 , 大家都無針鋒相對 . 完全係一個世外桃源咁 . 黎到依到覺得自己好幸福 !


最近 , 跟舊部門某些同事好似起衝突了 . 我只係想幫個乘客 , 但人地卻覺得我搶佢野做 , 要上位 . 其實 , 我明明先通知左佢點做 , 叫佢做 , 佢又唔做 . 你唔做咪我做囉 , 點知原來係我做多左 , 令你唔高興 . 我的確無去野事 , 我都無同我大家姐講 , 人地卻急住打我小報告 . 講得難聽些 , 你做左咁多年野 , 唔通睇唔出我依加 " 上左位 " ? 你咁樣做 , 是叫害我嗎 ? 害既只係你自己 , 見到人地咁樣對自己 , 的確唔開心 , 有時好想提下佢 , 你再攪我 , 死出依間公司既 , 就會係你 ... 何必呢 ?


我既心聲係安安穩穩打份工 , 我唔會用是非當人情 , 從來亦唔識擦鞋 , 更唔打算去擦 . 最好加人工唔升職 , 永遠做細 , 有事就叫上面攪 , 唔好煩我 .


睇過我日記既人越來越多 , 好多都係我唔認識既機場人 , 亦有些係我唔認識但卻認識我既人以及係我朋友 . 這篇文章就讓我呻兩句吧 ! 得寵有得寵的好 , 卻被视為上面既人 , 唔再有真心既朋友 . 我無要求 , 唔真心不打緊 , 別黑我臉就好了 , 讓我繼續單純地覺得世上所有人都是好的 .


以上只是我的怨言而已 , 唔好以為我在曬命 . 電視都有得睇啦 , 得寵結果係你唔攪人 , 人地都要黎攪你 , 不好受 ... ! 睇完我篇日記 , 麻煩唔好開我名 .

鐘意SeeWide的分享,給我們一個Like吧!
  • 攻略日期:N/A
    攻略地點:N/A
  • 攻略時間:N/A
    是次消費:N/A
1人比"掂"
  • 林公子 於2014-07-27 01:02:52 留言
    心靈富足 <--已經最富有,比起李首富已經更快樂
    有位上唔上,下面D人仲多野講
    佢地妒忌心係可以好大好大,不過佢地見你過得咁好 妒忌你中傷你~
    有女人就有是非!
  • 舉報 回覆
  • No.1
  • 林公子 於2014-07-27 01:04:50 留言
    有一些人,係妒忌別人過得比佢好,咩理由都無一樣會追住你黎咬
    我以前紅極一時那時亦都一樣
    明明幫人比人講成害人呃人
  • 舉報 回覆
  • No.2
  • 林公子 於2014-07-27 01:04:51 留言
    有一些人,係妒忌別人過得比佢好,咩理由都無一樣會追住你黎咬
    我以前紅極一時那時亦都一樣
    明明幫人比人講成害人呃人
  • 舉報 回覆
  • No.3
  • 小地勤點滴 於2014-07-27 11:17:12 留言
    原文由 林公子 於 2014-07-27 01:02:52 發表
    心靈富足 <--已經最富有,比起李首富已經更快樂
    有位上唔上,下面D人仲多野講
    佢地妒忌心係可以好大好大,不過佢地見你過得咁好 妒忌你中傷你~
    有女人就有是非!
    令人意想不到的是 , 中傷我的竟是一個男人 , 一個比我高兩級的男人
  • 舉報 回覆
  • No.4
  • 小地勤點滴 於2014-07-27 11:18:21 留言
    原文由 林公子 於 2014-07-27 01:04:50 發表
    有一些人,係妒忌別人過得比佢好,咩理由都無一樣會追住你黎咬
    我以前紅極一時那時亦都一樣
    明明幫人比人講成害人呃人
    好采咁奈黎都係得佢一個咁對我 , 哈哈
  • 舉報 回覆
  • No.5
  • XsunnyX 於2014-07-27 15:09:11 留言
    好難得仍然有無欲無求嘅女仔,不過你又真係好好彩,次次咁辛苦,都無事發生
  • 舉報 回覆
  • No.6
  • 林公子 於2014-07-27 16:48:47 留言
    原文由 小地勤點滴 於 2014-07-27 11:17:12 發表
    令人意想不到的是 , 中傷我的竟是一個男人 , 一個比我高兩級的男人
    怕你會影響佢,男人妒忌心仲大,只係唔出聲
  • 舉報 回覆
  • No.7
  • 小地勤點滴 於2014-07-28 03:41:21 留言
    原文由 XsunnyX 於 2014-07-27 15:09:11 發表
    好難得仍然有無欲無求嘅女仔,不過你又真係好好彩,次次咁辛苦,都無事發生
    雖然出名黑仔 , 但每次都解決到 , 所以都仲可以叫好采 , 上天對我唔錯
  • 舉報 回覆
  • No.8
  • 小地勤點滴 於2014-07-28 03:43:07 留言
    原文由 林公子 於 2014-07-27 16:48:47 發表
    怕你會影響佢,男人妒忌心仲大,只係唔出聲
    我都係第一次遇到咁自卑既男人 , 連低級過佢都要驚
  • 舉報 回覆
  • No.9

最多能輸入300字

累積瀏覽 447447

全部攻略 710

全部回應 4283