尋日公司全日都上唔到網,
加上我個電話數據又就爆..
而家無得上網真係超痛苦..
仲要係返緊工..間中想抖下氣都唔得
講返主題先..
星期日,拉住悠悠由將軍澳殺入屯門
為既只係去睇舞台劇
今次係悠悠第一次睇舞台劇
因為時間地點語言都好難就到
所以就唯有屯門都去
好耐無去屯門,
人越尼越多
四圍都係拉喼
四圍都係普通話...唉~~~~
下午三點入場喇
門口影張相先...
今次我地睇既就係甩繩木偶尋親記
內容主要講一個木偶唔見左爸爸,要去搵返佢爸爸,
然後經歷左好多事情,
個故事好多小小感人情節
但足以令悠悠喊個不停..
因為悠悠一向係個感性王....我見都無其他人喊既...
到最後謝幕時..
每個人都會除下佢地既臉具,向大家致謝
最後到小木偶時,大家一見到係女仔扮演既
全場即發出歡呼聲..個刻我都覺得好感動,有啲眼濕濕呢..
