2013年上海、寧波6日5夜大閘蟹歎美食之旅-day1

今次一行6個人搭春秋航空去上海，因價錢平很多

還未夠鐘上機，所以在星巴克買杯咖啡飲下先^^

今次係下午機，第一日都無咩特別行程可安排

估唔到可準時起飛啊

飛到半空，又係搵下周公的時候喇

話咁快就要降落喇

現在上海都可以用自助過關機，方便了很多

拿完行李，我們即時去搭機場巴士回市區先

我們搭了三線去打浦橋，然後坐的士去酒店，雖然知道酒店位置，但唔想拖住行李在街上行咁遠路

酒店大堂

大家放低行李後，就出發去閘北區上海朋友家食晚餐，非常期待啊

每次去上海玩，這位好朋友都會招呼我們，但今次終於有機會試到地道的上海菜

上到朋友家，他爸爸媽媽即刻熱情招待我們，相中這張長椅真特別，原來舊時d有錢人會躺在上面食鴉片的，而這張椅賣成十萬蚊架！

呢次真係麻煩到伯母，她一個人由早上就忙到晚上，準備功夫做到足

我唔飲酒的，所以留返俾其他團友品嘗

涼拌青瓜

糖醋排骨:糖度適中，排骨夠入味，唔錯

海蜇頭:呢些海蜇頭夠晒大塊，咬落爽脆，應該都幾貴下！

糯米紅棗:d糯米好軟綿綿，幾好味

本幫燻魚

白切雞:這種黃皮雞的皮係好薄薄的，肥脂唔會很多，而且肉質嫩滑，雞味亦濃，伯母煮的時間按制得好好

紅燒肉:這道又係功夫菜，豬肉要經幾個程序，所以才會咬落一點都唔肥膩，而且肉質有彈性又入味，出面很多老店都唔夠伯母做得好呢

腐乳熗蝦:熗蝦係上海人地道菜之一，選用新鮮活河蝦，然後再用調好的醬汁去浸，同醉蝦做法好似，但熗蝦味道會豐富些

三文魚刺身

松鼠桂魚:桂魚肉質好鮮，伯母調的醬汁好開胃，唔錯

油炆茄子:茄子又腍又入味，不過要習慣多油

響油鱔絲:伯母選用野生黃鱔，色澤較黃，而且肉質係脆口的，好美味呢

清炒蝦仁:這蝦仁Size都唔細喎，唔錯

炒蜆:蜆肉無沙，食得很放心

炒苗

茄汁明蝦:d蝦好大隻，茄汁好濃，啖啖肉好正

終於到主角出場喇，特別在陽澄湖買回來的

睇下d大閘蟹幾新鮮

轉眼間已蒸熟了

伯母調校的醋，好香啊

先挑隻蟹母先

好多蟹膏啊，而且入口香濃，非常美味啊

呢個月份係食蟹公比較好

蟹膏都唔少，不過因掛住食，所以唔記得再影！

唔記得係咩菜！

一篤鮮湯:上海人最喜歡飲的湯，湯頭有咁多材料熬制，點會唔鮮呢？

大合照

食飽飯後，就歎杯靚茶先

突然外面有人放煙花，唔知慶祝咩節呢？

呢餐我們食得好飽好滿足，好多謝上海朋友請我們食到咁地道既上海菜，我們非常之開心^^