美味的日式甜品店@Patisserie Mon cher

 

早前知道係尖沙咀海港城開了間新 cake shop 一直都好想試 ,

 

今次終於有機會試嗱 ! 因屋企有人生日所以我決定到此訂生日蛋糕一試 ,

 

訂完蛋糕就諗住先買番兩件蛋糕返屋企試 ,

 

可惜想試的朱古力蛋糕同芝士蛋糕都買晒 >.<

 

當晚的蛋糕款式所剩無幾所以就買了這兩件來試試 ,

 

不愧為日式甜品店蛋糕盒內放置了冰包同膠叉 ,

 

真係好細心好體貼這是我所期待的蛋糕店模式 ^^

 

" 堂島卷 " 在網上睇過這款是招牌忌廉蛋糕

 

講真一向我都唔鐘意食 cream cake ,

 

但又偏偏偏愛日式的 cream cake ,

 

我成日都同朋友 M 講想食一件好味既日本既士多啤梨 cream cake ,

 

現在終於有機會比我食到好味既 cream cake 喇 !

 

日式甜品的 cream 在我心目中是輕柔軟滑 ,

 

所以令到唔多食 cream 的我都會多食幾口而且蛋糕比想像中無咁甜

 

" 士多啤梨卷蛋糕 "

 

呢款蛋糕只是面層放了新鮮的生果蛋糕底則是堂島卷之類 ,

 

蛋糕不單賣相靚而且仲好好味添 ! yummy ! yummy ! ^^

 

"  黑朱古力夾心蛋糕 "

 

訂蛋糕當日聽店員講這朱古力蛋糕是新出的  ( 咁緊係訂呢個啦 ! )

 

蛋糕的夾心層 : 底層是香蕉夾層 , 上層是士多啤梨夾層

 

香濃既朱古力加香蕉既夾心層果然是絕配  ( 夠朱古力味又夠香蕉味 )

 

雖然士多啤梨夾層的味道有少少被蓋過了 ,

 

但蛋糕面大小均勻既士多啤梨粒亦不遜色又香又甜 ,

 

而生日主角的小妹妹每逄蛋糕有士多啤梨的裝飾佢都會讓着要吃 ,

 

但每次只咬了一嗒便放棄了 , 今次呢就食完自己果粒仲要食埋佢媽咪果粒 ,

 

咁就足以証明日式甜品既士多啤梨真係好得  ( 亦是我喜愛之一 )