我係正宗夜鬼, 讀書時期已經係上堂釣魚, 放學就鬼打咁精神去打排球打到晚飯先回家。中三以後, 媽媽有感我係果種愈要管我反而愈反叛既人, 於是就還我自由, 自始, 我就好有"節制"咁, 逢星期5,6,日夜晚先出街玩。直到投身社會, 直頭係夜晚11:00先出街, 日日如是, 夜夜笙歌!
點知英雄都有急流勇退既時候, 我呢個小薯仔都唔例外,本來熱愛夜生活的我, 有一日好地地, 還約左班"玩腳"當晚出街, 突然好像給上帝按下頭上的制, 將我夜生活功能關上, 由那一天開始, 我一次都沒有再踏足夜場, 每晚8:00前必乖乖的回到家。反而大家都慌了, 突然性情大變不是什麼好兆頭喔, 媽媽每天都在問我當晚會出街嗎?但我一點興趣都再提不起!咁多年來, 大家都習慣左我"突然""即興"既性格, 我會突然好愛一樣野/一個人, 又會毫無原因突然唔愛。其實我頗喜歡呢種性格呢!哈..
但對於夜鬼, 我卻係始終如一, 明明每日食完飯都會暈倒梳化, 點知沖完涼又鬼打咁精神, 尋晚仲要衰到5:30am先捨得訓, 7:30就起身返工!全晚看看書, 聽聽歌,上上網, 最愛晚上一人獨處既時候!
家中的書, 已被我看了九千八百萬次, 係時候要出去入貨。好懷念小時侯和當老師的姑姐一同住既日子, 因為她那個超大書櫃, 有足夠我每天都看一本新書既容量!可惜她和爸媽移民, 也一併將所有書帶走!哼哼!
中午放工, 本打算去誠品逛逛, 但因為只睡了兩小時, 恐防突然沉睡於街頭, 都係去近一點的商務。去到人頭湧湧, 逗留了兩小時,只買了4本書就走了, 因為實在太多人!回家草草吃了壽司做午餐, 就暈倒在梳化睡了一個好長的午覺呢!
看看我買了哪4本書(根本無人想知..haha), 可能呢篇係最沉悶的一篇, 但我要寫我要寫我要寫...哈
1. 倪匡-未成書(倪匡年青時的樣子和倪震一模一樣呢!!)
因為爸爸喜歡, 至少我便愛看衛斯理, 他的所有系列全看了好多次, 倪匡係我心 目中永遠既偶像, 一個過份聰明既外星人!可恨書局將這位神的書放在近地面的一格, 害我不知不覺蹲在地上15分鐘!呢本書竟然我未睇過, 即買!比錢時有小插曲, 事緣小時候在姑姐的書櫃看過一本"倪匡傳奇"愛不惜手, 長大了想買回收藏, 去到此商務, 睇下有無得訂購, 因為我都知道太舊了, 職員在電腦上找尋時,像文盲一樣想了好久點打, 我勁唔耐煩, 叫佢行開等我打,比我睇到佢打左"魏康"對我黎講同褺瀆神明無分別, 竟然連神級作家個名都打錯, 職員被我碎碎唸一番, 幾年後的今天, 當我去比錢時, 此職員還認得我, 仲打趣說:你真係好中意倪匡喎!我亦說:你識寫佢個名未呀?大家都覺得好好笑!呢本書係講倪匡未成名前既作品, 今晚就要睇晒佢!
2.陶傑 - 與陶傑同床
陶傑又係一個我認為佢好聰明既男人, 講野無廢話
, 一矢中的, 最中意呢種爽快既人!
陶傑寫小說反而未睇過, 必睇 !
3.新聞從業員 - 一人一故事
呢本書好耐以前已想買, 但拎起放低拎起放低好多次, 今次終於拎起無放低。係講新聞工作者既所見所聞,放低咁多次, 係因為當中有好多故事較沉重, 希望不要睇得太凝重!
4. 食蔬好日子
最後又點少得cookbook!呢本書拎起不能放低,全用蔬菜做出好多款餸菜, 有中有西有甜品有湯, 令人覺得食素都一D都唔沉悶,而且制作好簡單, 係比我抄考既好書呢!
有新書看,未來的幾星期, 我既黑夜必定夠充實!^^
感謝 Mary 提供以上資料
