「唔怕神一樣既對手, 最怕豬一樣既partner」呢句說話係呢個世界最超級無敵既真理!
此豬同事豬事一籮籮, 曾經試過因為一個電話令我由九千八百萬里外滾回坐位聽電話, 以為係什麼大件事大人物時, 拎起電話聽到是「你好, 我係九倉電訊....」吓!!
又 試過在我sick leave時, 硬要死唔斷氣打比我, 講左一輪外星話, 完全唔知佢講咩, 以為我自己食左藥接收能力低, 最後攪清楚原來只係打黎問點樣attach一個file入email!!!究竟小學畢業未?!而此君, 不但豬, 還十分無禮貌, 多次因為聽不到另一同事說話而大發脾氣, 原因係, 當別人同佢講野, 佢從來都唔會應人, 更唔會望著別人的眼睛說話, 所以當佢真係聽唔到別人說話時, 係唔會有人知道!因為佢聽唔聽到都唔應!平時同人講野粗聲粗氣, 好像呼喝一樣, 如果心情差時聽到佢把聲係會癲!又老闆喜愛不點名問問題, 大家心中有數問題是否屬於自己, 但豬同事永遠裝作聽不到, 等待有人頂唔住頸代答, 但不是自己負責的隨時答錯, 當一個老闆發脾氣時, 遭殃的是全軍, 此時豬同事會靜靜閃開離開老闆視線範圍,或是用太極手把一切推得一乾二淨, 所以話豬其實係最聰明的動物!
職場上的人事關係,耍手段,皮笑肉不笑我不懂, 一向都是烘焙同事擋著的, 現在我要一人去應付一群神一樣既對手, 還要面對豬一樣既partner, 我的方法是把自己困在孤島自己做好所有工作, 不去直望此豬, 不過佢都無時間埋我, 因為我看見佢全天候在上網看戲中!
拖著崩潰的腦袋沒有興趣煮飯,煮飯的工作今晚留給翠華茶餐廳,想起又可去遊巴士河有點點開心, 現在不會坐下層看人生百態, 坐上層看天空聽歌, 壓力減去不少, 抬頭赫然見到有一男乘客, 貌似我的最愛藍奕邦!原來當你覺得苦時, 上天總會給你一點甜!!^^
不煮不煮還是煮了糖水, 因尋日已浸好杏仁, 雖已在早前介紹過, 但因為太潤和好味, 今次還加左椰奶, 太好味要post多一次的杏仁糊!
