超簡易party小食

今日悠悠小表妹過尼

7大2細,攪個小party啦..

有小baby過尼,要好好執執屋先得

仲要左抺抺,右洗洗

晚餐party要諗啲簡單既小食

唔係真係做死自己啦

 

同大家介紹吓我既簡易小食

首先係涼拌木耳蕃薯葉

原先想買菠菜,但買唔到,改用蕃薯葉

菜洗淨,剪短,木耳切絲

滾水,加小小油,鹽,放蕃薯葉同木耳,煮淋

壓走水份,雪凍,食時拌上芝麻醬

 

 

煎泰式魚餅配雞醬

依個唔洗我講點煮啦..煎兩煎就係...

牛油帶子粟米

牛油煎香帶子,再拌入粟米炒幾炒就得

芝士拿破崙蕃茄肉丸

蕃茄,三色椒切細粒

肉丸煎香,加入蕃茄三色椒炒香

放入焗盤,倒入拿破崙意粉醬

面灑上芝士,入焗盤220度,焗至金黃色

 

 

炸薯角...

急凍薯角...中火油炸..完成...

 

 

5個小食..45分鐘內完成

再加埋外賣壽司

 

大家食得包包滿足啦~~~~