臭男人分兩種，一種係「堅賤」，另一種係「堅臭」，
兩樣都有相同之處：做女人唔應該接受！
矛錯，夏天，除咗為大地帶嚟雨水同美腿，仲會帶嚟一班「堅臭」嘅臭男人！嗰種汗流浹背嘅味真係好難頂架…
唔想你隻佬一上地鐵或者入電梯成為犯眾憎，或者臭賓賓咁熊抱你，就要試下呢隻adidas別注版止汗噴霧喇！
首先，Samba get ready系列真係好姣好靚！adidas將世界盃主辦國巴西國旗融入瓶身設計當中，流線形pattern加撞色真係無敵，感覺真係好夏天、好sporty！
而味道方面，Samba get ready系列以亞熱帶水果香氣為題，而男士噴霧就用咗巴西綠柑橘、鳳梨以及唔同嘅水果及植物清香調製，同巴西、世界盃、運動、夏日、森巴，真係好夾！
By the way，個正貨logo其實幾靚！上面寫住Quality Assurance，成件事高級咗。
見佢咁吸引，真係即刻要噴吓佢先！
輕輕一按，噴霧已經非常有力，所以噴身嘅時候都唔洗隊到好埋，想噴嘅位置亦可以輕輕鬆鬆噴到！方便！讚！
Samba get ready系列嘅止汗噴霧勝在非常輕身，噴落身嘅時候唔會濕咗一達達，亦唔會感覺有一層嘢漿住皮膚。而噴落去嘅時候好冰涼清爽，熱天踢完波嘅時候噴翻一嘢，真係會爽ＹＹ架！
有啲人好抗拒止汗噴霧，其中一個原因係粉末會整到啲衫一達達，感覺仲唔乾淨。我發姣人夫就大膽地拎咗一件自己幾鍾意嘅深色Tee出嚟噴，發覺都唔洗post前後對比，噴上去之後同冇噴根本冇分別，所以各位鍚衫之人唔洗太擔心喇！（喂咁當然你唔好噴死一個位啦…）
用後感：
Samba get ready男士止汗噴霧噴上去真係好舒服，我好怕有痴笠笠嘅感覺。味道方面，初頭第一吓會覺得有啲濃，似古龍水，不過當佢完全散發出嚟嘅時候我又覺得好清新，細心啲品嘗就會聞到熱帶果味+植物清香。
止汗效果方面，我跑步 / 返工著老西時都會有流汗，不過流出嚟嘅汗水就一啲都唔臭，呢樣好重要，我唔怕流汗 （而流汗係一件健康嘅事！），係怕臭親隔離，臭親老婆姐！
爭啲唔記得講，呢隻adidas別注版於萬寧獨家發售，價錢只係$31.9，各位姊妹絕對唔洗花幾百蚊買香水俾你隻佬架，你估香水撈汗水好好聞咩…（留返啲錢自己shopping仲好啦！）
============================================
感謝 發姣人夫 Flirty Hubby 提供以上資料
發姣人夫 Flirty Hubby的網誌: http://flirtyhubby.blogspot.hk/
============================================
