呵呵.........好嘢! 今次煎的豬扒好成功, 要多謝 Li J 介紹我用梅頭豬扒, 果然係淋好多, 唔會嚡實實! (Li J 謝謝妳 ^^) 亦都經過多次努力鑽研終於讓我成功煎到一塊又多汁又夠淋豬扒. 實在好開心, 勁開心!
材料
梅頭豬扒 (2 塊 - 切半), 洋蔥 (1 個 - 切絲), 新薯 (2 個 - 切半)
蒜頭 (5 粒 -切碎)
豬扒醃料
生抽 (1 湯匙), 糖 (1 茶匙), 紹興酒 (半茶匙)
日式燒肉汁 (2 湯匙), 麻油 (少量)
調味料
梅頭豬扒: 日式燒肉汁 (2 湯匙) + 暖水 (2 湯匙)
洋蔥: 陳醋 (約 3 湯匙), 鹽 (少量), 糖 (少量)
新薯: 橄欖油 (1 湯匙)
做法
1) 洋蔥去皮及切絲, 開火下油, 下蒜蓉, 洋蔥及鹽炒至軟身, 加入陳醋及糖兜勻煮熟就可作拌菜了.
2) 新薯用橄欖油搽勻, 預熱焗爐, 用 200 度火焗新薯 25 分鐘, 期間要反轉, 才能焗得夠熟透, 靜止待涼後, 切半作拌菜食用.
3) 梅頭豬扒清洗乾淨, 用鎚剁鬆, 用醃料醃約 1小時以上. 開火下油, 用中火下豬扒每邊煎 1 分鐘, 加入調味料中細火煮約 3 分鐘就成了.
請來我 Facebook 專頁按 "讚好" 給我支持啦!
