昨日好忙,一早去出版社傾新書
然後去探朋友
到夜晚歸家時唔知食乜好
晌呢d唔知想點又熱又焗又濕又時晴又時雨既日子,跟本無乜心情去諗食乜
重點:趕唔切買其他材料去完成我既晚飯
咁又可以點呢?
於是晌千鈞一刻,我整三文治比自己,牛扒三文治
咁就可以我食牛扒三文治,大少爺食牛扒飯,再加大家都飲得既西蘭花忌廉湯
同檯食飯,各自修行咁晤款,無辦法,佢從來唔太喜愛我喜好三文治
我又唔太愛佢愛既飯
我既三文治有牛扒、生菜、番茄
佢既晚飯有:牛扒、煎蛋、生菜、番茄
我仲加d蛋黃醬及酸豆上我既三文治,當大少爺見到d酸豆好好奇,我就比粒佢試,佢個反應係話我知…好難食
於是我就用藐視佢既眼神答:一睇就知你接受唔到d酸豆
但我十分之喜愛食酸豆,佢配上熱狗、漢堡包或者濃味既食物,簡直一絕
哼!
本身我好想寫個西蘭花忌廉湯食譜,可惜影唔到相,佢要日頭先影得靚
所以…下次下次 下次大概可以...........
佢好好味,但唔係人人接受得到