我每一日都懷緬過去一星期,因為過新年,大少爺又晌我身邊
唔知點解,大少爺返工反而無乜野,但佢太太…即係我就好似有上班憂鬱咁
不過…佢好快又放大假,咁心理上都好d呢
我放假mood仍在,都係游手好閒,出去同朋友食下午餐,順便行個圈
晚飯簡單為主
其實我近來迷上雜菜湯,即係番茄、西芹、椰菜、薯仔、紅腰豆煲湯,唔加肉
呢個湯似羅宋湯但無內晌裡面呢
然後逼埋大少爺連渣去飲,個飯反而簡單,因為飲湯都飲飽佢
親子丼,即係雞蛋同雞肉
不過以前我會買親子丼汁去整,自從識用味醂後,我就自己整個汁
食譜:
雞脾肉 一隻去皮再切絲
雞蛋 兩隻
洋蔥 半個
汁料:
醬油或生抽 1湯匙
味醂 1.2湯匙
鹽 少許
水 2湯匙
(以上材料全部攪勻)
做法:
雞脾肉用鹽、胡椒粉去醃,然後爆香佢,加入洋蔥
雞肉半熟後加入汁料煮滾,然後兩隻雞蛋打勻後倒入雞肉中,唔好攪佢,蓋上鑊蓋慢火煮兩分鐘
兩分鐘後就完成架喇!淋上飯面,可以加少少紫菜或飯素
哼~