我終於出現
其實今晚我都會出街,約事頭婆晚飯行街
好多日都出街
我買左新水鞋,所以今晚出街都無有怕
好多晚無煮過飯,又出街好衰咁
但我今晚煮定飯、菜比大少爺同佢朋友
邀請佢朋友上我家吃飯,陪大少爺一齊食
咁我無咁內疚之餘,又可以過下手癮煮番幾味
兩個男人可以傾下計,又有住家飯食,又唔會有個女人晌樹咁
其中一味燻雞,我整既時候好驚
好驚一開鑊蓋好大煙,隔離屋以為我煲燶嘢
燻雞要先整好隻豉油雞再燻,我整左好耐啊
休息下陣就去沖個涼化妝出街呢
今晚整涼伴青瓜、燻雞同味菜牛柳絲,只有牛柳絲要翻熱
其餘就咁食得,免得大少爺晌我廚房搞搞震呢
今次我用烏龍茶去燻,哈!
我近來愛飲烏龍茶,隨手拎茶葉去整呢
隻雞燻前無咁深色,燻完好靚
Fans page仲有新blog. Click here--->
============================================
感謝 大少奶 提供以上資料
大少奶的網誌: http://iamtaisiu9.blogspot.hk/
大少奶的FaceBook 專頁:https://www.facebook.com/taisiu9
============================================