琴晚大少爺公事在身唔返屋企食飯
我終於可以抖下，唔駛煮飯又可以食自已鍾意既食物
又可以自由發揮
首先…有
牛油黑椒香草炒新鮮磨菇配吞拿魚小法麭
跟住…仲有
南北杏木瓜雪耳糖水
天氣轉涼，無論心理同生理都會痕
心理上...覺得秋冬煲少一餐既湯或糖水係一宗罪
秋冬係要煲下嘢潤下大少爺先夠稱職、先夠超值
經常心癢癢想煲呀煲呀煲呀煲！
生理上...雖然我每日飲好多水，但秋冬飲清水係唔夠滋潤
一定要有養份既湯水先夠潤，否則會皮膚乾燥會易爆擦或身痕
格言又出來了.......
飯可以唔煮、湯唔可以唔煲，甜品都不能少
↓唔需要無謂既伴碟與裝飾，自然既感覺真好！
============================================
感謝 大少奶 提供以上資料
大少奶的網誌: http://iamtaisiu9.blogspot.hk/
大少奶的FaceBook 專頁：https://www.facebook.com/taisiu9
============================================
