原來我個blog連續3篇都係冷冰冰，係凍既
大家有否心寒感覺
明日既blog如無意外係火噴噴
所以先來降溫吧吧吧
有d食物一整會上癮，像無底深潭
總之一試過好，就連隨想整多36種口味，直到那天厭棄
其實我相信睇開我blog既人，都習慣…我有我癲狂
上次整個芒果sorbet令我超開心，既然超開心就整埋菠蘿
其實今次第二次，我第一次買個熟得滯既蘿蘿，攪到個色唔靚
昨晚搵那位生果店太子爺大少爺幫我買，佢晌電話度話：呢d邊難到我？你唔好唔記得我係邊個？
(我家大老爺從前係開生果店舖，那些年十指不沾陽春水既大少爺成日落舖頭幫手，所以佢好叻揀生果)
結果佢真係買到個同佢一樣咁靚既菠蘿喎！哈
做法：
菠蘿 1個(起肉，要切到超細粒，因為菠蘿本身既肉有質感，唔似芒果咁易打)
檸檬汁 幾滴
糖 如果你個生果本身甜就可以skip糖
做法：
將菠蘿肉切粒粒後放冰格一晚，然後整之前回室溫 5至10分鐘
加幾滴檸檬汁，然後就開始用手動攪拌器打，用手動攪拌器好處易handle唔會打過龍變成汁
而且打入去既空氣較好，令到個Sorbet較為鬆軟
![]( "IMG_8836")
下圖係上次整芒果時影
打到綿滑便可以
