上文提要.....Oisix訂蔬菜後........
今日我就熱下身，首先晌蔬菜堆揀3樣蔬菜做一個沙律同小食先
其實箱菜有d可以晌我做新書食譜時用得著
但係呢....雪櫃實在無位咁滯
所以我今日先殺一個大椰菜，但個椰菜太大個喇！只用到1/4呢！
今次殺椰菜唔成功，下回一定唔會比佢走出我手指罅，哼~~~~~
仲有蕃茄，日本連蕃茄都好大個，一個已經有呢樹咁多呢
配日式芝麻汁
個蕃茄居然係滑架！係好軟滑既感覺，個椰菜都好爽呢
呢個係我想整好耐既..酥脆牛蒡條
個菜盒有兩條牛蒡，一條我應該會用作煲湯
一條整呢個小食，佢出奇地好食
又係跟食譜書...."讚口不絕的幸福甜點" 整既
佢用蜜糖、少少低粉撈埋去炸
雖然炸有點浪費牛蒡，但點都要試下嘛！試完覺得的確唔錯呢
主菜.........coming soon
Yeah~~~~~~~~
============================================
感謝 大少奶 提供以上資料
大少奶的網誌: http://iamtaisiu9.blogspot.hk/
大少奶的FaceBook 專頁：https://www.facebook.com/taisiu9
============================================
