1218冬季大旅行
噢！琴日5個敗家仔(我、呀茄、呀吱、事頭婆同繼姐)又再聚集
今次唔係shopping
係大旅行
但又唔係去郊外，又係CWB、TST、同太子
今次玩"大圍"，5個人夾一筆錢，Total:$2200
全日既飲食費、交通費都係用呢筆錢
初初我成為眾人敵人，有人話我：你呀！淨係搭的士，到時夜晚要食快餐店架喇
車~~`最後由Cwb去太子你班友仔咪又係揀搭的士
然後晌太子又話：過海都打的啦！何況落尖沙咀
拿！琴日食用唔差，有午餐、下午茶、晚餐、甜品、仲夠錢每人揀份禮物架
去片~~~~~~~~~
先去勝手食shabu shabu~~~~
大家都好乖，只揀$98既set lunch，串燒白鱔好好味啊
個魚湯當然無得頂啦
最開心呀妹diana都有來一齊食午餐
落太子做祕密行動
之後下午茶！去掃街啊
之後落TST，噢！唯一自費既項目...........買衫！
點都要有件衫楂手
然後去食韓國菜，呢餐$400咋！食到5個都好飽
牛肋條 $70，一鍋夠5個人飲既人蔘雞湯只係$100
仲有叫炒年糕、綠豆肉餅、韓式壽司、石頭飯仲有飲品！抵食啊
最無得頂每人可以揀一份$160既禮物，乜都唔駛講飛奔落Faces
噢！
我要Shu uemura既眼線掃$180.... 貼$20
事頭婆揀Shu uemura眼影base連筆刨 $165貼..... $5
烏吱要Jill Stuart 既眼影jelly $160......剛剛好
哈！呀茄要RMK 睫毛液$310.......貼 $150
呢個先勁，呀繼要Jill Stuart既眼影$370.....貼$210
仲有$60剩！買六合彩3張電腦票！聽日開喇！
如果中頭獎，就去大旅行之豪華團！
最勁係....仲有錢去食糖水
呢個大旅行真係開心足一日啊
============================================
感謝 大少奶 提供以上資料
大少奶的網誌: http://iamtaisiu9.blogspot.hk/
大少奶的FaceBook 專頁：https://www.facebook.com/taisiu9
============================================
