琴日我一直以為自己傷風，但最後係...感冒
結果....又係睇醫生
頭先打比舅母，舅母唔認得我把聲咁滯喇
夜晚兩點幾，開始鼻塞
鼻塞我完全瞓唔到
我好怕鼻塞
琴晚嚴重到我聞醫生開既薄荷crystal都唔得，發燒最想瞓但因為鼻塞而失眠好痛苦
有無人可以提供快速通鼻塞方法啊？
睇醫生前我去超市買定即食通粉、火腿、粟米
預備今日仍然唔好番時，起碼都有快熟既食物
我決定係正確
大少爺要返工，病到五顏六色都只得自己照顧自己吧.........吧........
每次病得自己晌屋企就會覺得孤獨
每次病我都會飲維他奶，亦都會好想飲維他奶
我一熱烈地渴求維他奶既時候
大少爺就會不停問：你唔舒服？
============================================
感謝 大少奶 提供以上資料
大少奶的網誌: http://iamtaisiu9.blogspot.hk/
大少奶的FaceBook 專頁：https://www.facebook.com/taisiu9
============================================
