過了一個開心既生日,去過邊?有放過上Fans Page
所以我鼓勵大家Like個page,因為我update得緊貼一d,買完d野又鍾意放上去
https://www.facebook.com/taisiu9
去了赤柱食晚飯,但生日禮物未揀得到,人越大擁有既越多,就好難諗想要d乜
不過…之前我咪講過…點解今年我無整生日蛋糕比自己?
因為呢…我生日當日,朝早起身整兩個9吋既蛋糕比教會既長者分享
所以唔整自己個生日蛋糕,比自己休息下,再整兩個9吋大蛋糕
長者喜歡焗既蛋糕多d,我試過整mousse cake,但係十二月呢d日子,佢地始終唔鍾意食凍品
所以焗兩個熱既蛋糕,反而佢地會喜歡多dd
呢款蛋糕雖然post過,但我仍然會繼續整落去
易整,同埋呢失敗率偏低
但能見度呢又偏高喎
仲可以自由創作,唔鍾意蜜桃?可以放菠蘿?甚至豆豉鯪魚、午餐肉、五香肉丁都得
你夠膽、又喜歡、又義無反顧便可以呢!哈
放多張先,Look
點解佢個邊有紋呢?因為我今次有鋪牛油紙,所以壓到d紋出來囉