雖然…大少爺依然放假,但天氣實在太熱,無行出屋企門口意慾
突然想念新加坡......刨冰
香港我係唔會買刨冰食,但去到新加坡我就每日都要食
簡直係年年去年年食
爸爸生前去新加坡每次都要食紅荳冰,而我每次去就會食芒果刨冰
食完真係有涼快感
今日我同大少爺又提起出年3月又要去新加坡
唔知點解我同佢好怕熱,但又十分接受新加坡既熱
或者我受到祖母同爸爸影響啦!我真係好鍾意新加坡
泰國我已經唔再鍾意去,日本就怕地鐵令我盪失路 ,睇見地鐵路線圖已經頭痕>.<
其餘去過既都唔會想再去
但今日我同大少講到出年每半年放一次大假的話
異口同聲話新加坡係必去,但另一個行程就唔知想去邊
我係一個只鍾意商業區地方既人,去旅行只鍾意去國家首都
我真係完全唔識享受郊外風景、吸收大自然氣色
好多人都話去新加坡悶同香港差唔多,但對我來講絕對唔係
============================================
感謝 大少奶 提供以上資料
大少奶的網誌: http://iamtaisiu9.blogspot.hk/
大少奶的FaceBook 專頁:https://www.facebook.com/taisiu9
============================================