今日照結構了，心情當然緊張
因為奶皇包隔住肚皮，跟本好似好唔踏實既感覺
照結構可以照佢既器官等等
一早起身就出去睇醫生，等待過程當然繼續我既緊張
等一陣就入去照
大少爺今日請假陪我去睇，其實佢自從晌照聲波見過奶皇包後，就愛上陪我覆診
佢見到個bb郁來郁去，就會開心，奶皇包又特別郁身郁勢，當然…人人都話似我
因為我週身郁唔停既人
照聲波一照，我見到佢隻左手5隻手指仔，頓時安心了，原來做媽媽只要見齊佢D手指仔腳指仔就會安心
醫生好細心咁照，一切正常
到緊張關頭…到底仔定女呢？
醫生話奶皇包晌正我肚臍最厚脂肪既地方，遮住了
不過照多一陣醫生終於…搵到有利位置照了…結果係....................
原來呢…坊間傳聞係真架
我喜辣與咸對甜味反感
我身型無乜變，行動仍敏捷
鼻頭毛孔有粒大了
個bb傾向左邊
以上一切傳聞原來係真的………
奶皇包係.........下圖
朋友們一致覺得我既bitstrips一模一樣樣，哈
大少爺掩不住失望，但我仍相信佢會愛奶皇包的
我班姊妹好曳，其實之前都知道會大機會知係仔，然後我班曳姊妹見親BB女就推比大少爺，叫佢抱下圓夢
大少爺次次都話：一日未照結構，我一日都唔會接受現實
今日大少爺要接受現實了
其實大少爺會絕對係一個好爸爸，我相信佢會懂得自己個仔
只係人總會有願望嗎，加上大少爺見到個BB晌我肚裡面郁郁貢已經好快樂了
新facebook acct開始建立，慢慢upload上Fb、講飲、講食、講戰利品
仲會講祕密
============================================
感謝 大少奶 提供以上資料
大少奶的網誌: http://iamtaisiu9.blogspot.hk/
大少奶的FaceBook 專頁：https://www.facebook.com/taisiu9
============================================
