第六日了,明早(香港星期六)早上上機回家
今去鮑魚養殖場,睇到鮑魚養殖
睇完會明白鮑魚點解會咁貴,實在好花時間
只要有一d差池都會付諸流水
南非新鮮鮑魚喺香港賣得貴因為太長飛機,風險好大呢
成兩個幾鐘先到,我睡得你死我活一樣呢
原來呢…養殖鮑魚先要做抽水系統,而呢個系統要好大型咁做
用最天然既海水養殖
呢d一排排既就係養住鮑魚BB
有想過鮑魚從咁小養起嗎?
鮑魚爸爸媽媽,佢地要用60度水養住
全個過程不能夠有半點差池,例如…水溫、不能有化學既成份
同養一個初生BB一樣
連開燈時間都有限定的
鮑魚係係體外受精既,用人工養殖方法去將佢地配合
鮑魚食乜維生既呢?就係海藻喇!
每一日都有女工去服侍鮑魚
3個月既鮑魚BB,每一日都有人照顧,然後慢慢長成
呢隻大隻d
夠魚點分男或女?
如果鮑魚殼邊有青綠色就係女仔
白色就係男仔
呢隻唔係太大都已經3歲既呢
呢度已經值好多錢
收成後會有女工刷淨,再加工例如做成罐頭鮑魚、又或者乾鮑等等
當睇完後,再去另一鮑魚場食午餐
呢個鮑魚場對住個大海
水清又大浪
令我記起某個廣告:似海喎…佢話佢,潮漲又好、潮退又好…都唔似一潭死水
哈
![]()
有個溫暖火爐
我終於今日著夠衫,否則…又凍死
炭燒新鮮海蝦
春卷
只係用牛油加檸檬汁去烤已經可以,非常好味
牛油煎新鮮鮑魚,新鮮鮑魚彈性有質感,好食
噢!
非常好食
黃尾鯛魚,佢做法唔會好似香港咁蒸,加豉油
用烤既方法又香又重魚味
真正魚有魚味
十分新鮮沙律
由鮑魚埋返酒店休息,便去當地朋友家晚餐
呢幾日…日日夜夜都有酒飲呢
今次係香檳
地道BBQ
香腸係用鮮肉製造既呢
好好味呢
非洲食法既三文治好好食
洋蔥、番薯、薯仔
仲有甜品
飯後傾計…感恩這個行程大開眼界呢!
要回香港喇
============================================
感謝 大少奶 提供以上資料
大少奶的網誌: http://iamtaisiu9.blogspot.hk/
大少奶的FaceBook 專頁:https://www.facebook.com/taisiu9
============================================