昨晚半夜開始唔舒服,搞到今早大少爺去藥房買比處死更難受既正露丸比我食
再休息一陣OK D就開始行程,都已經......12PM咁滯
今日原定先去涉谷再去下北澤然後原宿
後來調轉了行程,先去原宿、跟住行落涉谷,最後去下北澤
我去完下北澤要返酒店休息一陣,好累
但一個敗家精來講,唔舒服係唔會買唔到野,我沿路都買到
先買個皮既袋、跟住買櫻花杯,跟住就買westwood襪褲
仲有下北澤既家居雜貨,不至滿載都叫有野楂手
竹下通其實唔會買到乜,但勝在睇d下新鮮事物
都有幾多得意野賣,但我都係唔會買得到
水樽袋
跟住我仲可以行落涉谷
之前311後有人話連涉谷都無乜人
但而家都好多人,個十字路口仍然好多人
東方神起既貨車……出現奇景…
有一班30歲以下,18歲以上既女生追住架車影相
跟住去美登利睇大少爺食壽司
係大少爺食,我胃口只能夠容納一件海膽同一件手卷
平日我鯨吞一盤架
我叫了茶碗蒸食,點知散叫既係湯碗蒸,好大碗啊
跟set既蟹膏,好想食呀*********
之後去下北澤,其實d家品店都幾好,但賣古著衫居多,一個靜靜既地方
終於買到襪褲,但無Legging,我過兩日去新宿再睇睇,好抵一對,1500yen一對
仲有櫻花杯,興之所緻
晌涉谷買左個袋,我好鍾意呢類真皮既袋,夠大,放到相機,我人大大件頭,要摺大袋
我有好多呢隻色既袋同鞋
打blog時邊食蛋糕,我無晒胃口,蛋糕都唔太想食了
今晚晚餐食蛋包飯,大少爺話想食
但我無胃口既程度連食都唔想食
食飯前去酒店附近間Mall行,今次買碟、小用具、冷襪褲
個白色布袋係大少爺質比我,佢話:要呢個啦!返教會、落街用啦
有時我覺得佢好得意,又覺得自己都幾幸福,有一個質我要野既老公
我要好快好返,繼續戰鬥買買買,晚餐後再見~
新facebook acct開始建立,慢慢upload上Fb、講飲、講食、講戰利品
仲會講祕密
============================================
感謝 大少奶 提供以上資料
大少奶的網誌: http://iamtaisiu9.blogspot.hk/
大少奶的FaceBook 專頁:https://www.facebook.com/taisiu9
============================================