蜆肉蒸蛋 - 附食譜

蜆肉蒸蛋 - 附食譜

蒸蛋好似好簡單, 但係都係好似整原味蛋糕底一樣,

似是好容易, 但對於唔在行, 或者無食譜0既朋友來說!

就會令你好沮喪0既一個環節 !

點解, 如果一起步已經找到竅門0既朋友 , 當然值得恭喜啦 !

但係真係有好多包括我自己在內, 我都係要煮咗好多年餸, 

都唔算太少煮野0既經驗, 但係對蒸蛋都係我死穴 !

當然你見到以上0既蛋蛋, 就知而家係ok 啦 !

滑滑0既蛋係無問題喇!

材料  :

蛋                           3隻

鷄湯                       250ml   (我用史雲生清鷄湯)

 蜆肉                      3両

蔥                           1棵    (裝飾用)

做法  :

1.  將蛋打勻, 不雖要打太久, 打勻就可以喇 !

2.  倒入鷄湯於蛋中拌勻過篩 (用網或篩粉工具).

3.   將蜆肉用生粉撈勻, 再用清水洗淨, 用乾淨布或廚紙索水份, 

       放入有深度的碟子中舖勻.

4.   預熱蒸爐或煮食爐, 一定要水滾. 

5.   倒入已過濾的蛋漿於蜆肉碟中, 大火蒸3分鐘, 轉回細火, 

      如你的爐是後猛火的細火就可以, 續蒸7 分鐘 , 焗10分鐘,

      放上蔥花, 贊些熟油於面即成 ! 又香又滑0既蒸蛋, 正!