30-9-2012：三亞悠閒遊day 1(part 2)．@海棠灣Renaissance

其實book咗酒店之後，我係google map一直都搵唔到間酒店o既位置，但係Renaisance喎，我都唔太擔心o既~地址話係海棠灣地區，咁即是亞龍灣隔離嗰個灣啦？﹗網上啲資料講海棠灣都係比亞龍灣新發展o既旅遊點，比較未受污染，未係太為人所認識~我哋上咗的士，先知道原來勁遠﹗﹗﹗跳咗成一百蚊先見到海棠灣o既路牌，而事實就真係幾遠~仲要個的士司機其實唔sure間resort o既位置，去到海棠灣o既resort群，逐間望下個招牌，點解冇一間係o既？﹗的士司機先投降，打個電話問下行家，原來Renaissance係位於「海棠灣地區」，而唔係係海棠灣入面﹗﹗行行下原來係去到土福灣嗰頭喎~

到啦到啦…終於﹗一落車，resort的接待送上每人一個新鮮蘭花的花圈圈，即刻開心晒﹗

resort勁大﹗lobby係開放式的，馬上就見到個海lu~我哋check in上房，嘩，好開心丫~好大間房~

好闊落~裝修都好舒適~

超鍾意個大浴缸，仲有可以容納數個人o既淋浴間~正~露台都好大丫~但我哋都冇乜花時間係度hea呢~

急不及待要出去走動下~

因為人唔多…所以去到海邊，無論day bed…

定係沙灘椅…

仲有吊床…都唔駛同人爭﹗肚子餓了~早上食咗個麥當勞早餐+超簡便的飛機餐之後都未食過嘢~又未夠鐘食飯，我哋決定去tea一tea~

我哋叫咗oreo smoothie同埋cookies share嚟食~食少少好了，好快又到dinner time~

cafe裡面的陣設—-啲雪櫃係真o架﹗入面真係有汽水、啤酒俾大家選購o架~之後發生咗詭異o既事，事關櫃位小姐介紹我哋黃昏去草坪睇海南竹桿舞，所以時間未到我哋就到咗嗰邊等開show~

未開始竹桿舞前有二人三足比賽~我哋坐係可以望得到草坪o既沙灘椅度，唔知點解等呀等都唔覺有竹桿舞表演…時間過去了，我哋走過去問問工作人員，佢哋話表演完畢了？﹗點解o既？我哋明明無行開過+無瞓著o架？﹗奇怪﹗我哋仲一度誤會因為「時差」而導致睇唔到show，而去問下當地人而家幾點添…結果呢個謎都冇解開，當然啦，海南島同香港係冇時差的…:panyway，既然冇show睇，我哋去食dinner了~開頭諗住去環球美食嗰間大餐廳度食，但點知原來係buffet喎(因為長假期)，冇心理準備之下，決定第二日先食buffet，好啦，我哋今晚去海鮮餐廳食啦~

呢度o既格局，令我諗起fiji honeymoon (我未寫好啲blog﹗﹗)時住的Hilton呢~坐室外，溫度、晚風都唔錯，但張梳化椅對食嘢嚟講就冇咁好lu~

我哋叫咗虎蝦配risotto同埋西冷牛扒+兩個side dish嚟食~賣相就100分，環境都100分，但味道總覺得差dd，唔係唔好食，但對於5星級的expectation總會高啲~

晚上我哋決定係呢個超大的lagoon pool游下水，超暢快丫﹗因為真係好大好大個泳池…游時唔駛調頭的，更加唔需要轉彎，亦冇可能需要避開游水o既人~好似得我哋兩個人遊個超大池咁~正﹗呢個咁好o既泳池，再次引起我哋買樓o既討論…唔知南浪海灣個泳池好唔好游呢？我以後都唔想去屯門泳池游水了…(之類…)待續前往其他中國旅遊blog