2-10-2012：三亞悠閒遊day 3．大東海

我其實真係急不及待要爛咗呢篇blog o既尾而開始打我最近旅行返來的blog(註：今日已經係2012年12月19日﹗)，但最好都係有始有終，加上新trip要加上其他相機的相相先打會更好，我都係完成埋我十世之前未完成o既東東先啦~第三日我哋就返屋企lu，不過因為係黃昏o既班機，所以都叫做仲有大半日o既~一個早上係resort都做唔到啲咩，我哋食咗個大早餐之後都執拾細軟準備check out了，過完中秋，似乎啲內地遊客都可以出發度假，呢日早餐時見到其他遊人特別多﹗我哋要坐係額外開出嚟o既早餐區添，環境就相對地冇咁舒服了，而且人好多，所以我哋輪流出去拎嘢食，費事兩個人走開晒啦~見有酒店專車去機場，停一站大東海，我哋決定今日去大東海逛逛~

今次呢個trip基本上我零prepare嚟玩，但不久之前其實先至嚟過三亞，所以對於啲旅遊資料都仲有少少印象~三亞主要有三個海灣，分別係三亞灣、亞龍灣同埋大東海(而家似乎海棠灣流行起來了)，三亞灣就係傳統+最舊的旅遊區，好處是近機場，地點便利，亞龍灣就最靚堪稱天下第一灣，有好多一流世界級o既resort進駐，而大東海最出名就係最多俄羅斯遊客聚腳﹗所以如果係三亞，文字有三種語言的話，除咗中、英文，第三普及的語言就係俄文了，可能因為三亞對於俄國人嚟講都屬於最近+價廉物美的陽光與海灘destination吧~

嚟到大東海無耐，我哋做咗最最最正確o既決定﹗就係放低啲行李係海灘的locker﹗雖然只係三日兩夜o既行李，但一整日拎住，諗到都覺得唔想行~因為有海灘，自然有收費locker o既生意，貴貴地，只准一次開關o既locker我哋都要照幫襯﹗租咗兩個locker，成身輕鬆晒﹗yeah~

大東海其實就海灘嚟講都好靚，不比亞龍灣差丫~