聽過老友stanley + kelvin o既經驗之談，知道雖然世博園區九點正開門，但一般嚟講大家八點左右(or更早)就會開始係外面排隊，因為嘛，排得越前，越早入到去，morning dash成功機會就越高﹗所以我哋七點半就係酒店食早餐，諗住盡早去到七號門﹗
酒店o既早餐真係令人有啲失望呢，我都估到係只有麵包、粥之類，但比較簡陋呢~所以嘛，第一日食過之後都唔係好想食第二日第三日添，而且佢最早七點半開始食，如果食完再出去就太遲lu~所以之後嗰幾日我哋都出去買早餐食~
每日都由老西門站出發﹗
我哋入場三日世博，其中頭兩日係七號門入場，第三日由五號門入場，呢個同morning dash策略有關，第一日我哋打算dash英國館，所以就由最近o既七號門入場喇，我哋老西門站o既地鐵8號線再轉7號線去長清路都只係一個站啫，所以都好快脆~
大約八點三就去到園區附近了，沿途已經有好多小販叫賣，賣咩？賣凳仔﹗事關去世博都預咗要排好多隊，所以基本上每個入園o既人都會自備凳仔，我哋由香港空運咗兩張凳仔去，不過day話帶一張入去好lu喎，輪流坐好過拎得太重咁話，於是我哋帶咗一張銀行信用卡贈送o既hello kitty凳仔入去，要打開只需兩秒鐘﹗非常方便~
例如就係排隊等安檢o既時間咁樣坐法…大家留意﹗右手邊有位女士坐嗰種膠凳仔真係勁好o既設計，見到世博園區外面有得賣，每張10蚊﹗開合只需一秒，而且輕身，有手挽，色彩繽紛，完全符合排隊凳仔應有o既條件呀﹗大家未買凳仔又準備去世博的話，一定要買呢種凳仔~
開始安檢了﹗行入蛇餅之中，好恐怖呀~~~~勁多人﹗不過好在秩序都屬於良好，只要你前前後後o既幾堆人都唔爭先恐後，排隊都唔討厭o既~條隊都郁得好快，所以大約九點三我哋就成功入園lu~
morning dash第一站—-英國館﹗個種子聖殿咁出名，點都要去睇下o既~
首先圍繞住呢啲「綠色都市」，幾個著名o既英國城市版圖都用呢啲草草嚟砌成~
入到種子聖殿了﹗好靚呀~因為有外面o既光經過呢啲「巨型光纖」入到嚟內部，每一條都發光咁~而且仔細睇真係粒粒種子都唔同o架噃~
佢標誌o既針刺外型~
因為英國館o既內部唔係真係太多東東，所以好快就參觀完畢，我哋蓋埋印仔仲可以dash去下一個勁勁館﹗於是我哋就揀咗係佢旁邊o既意大利館喇，見條隊雖然好長，但都郁得好快喎~果然，大約半個鐘頭我哋就入咗去啦~
裡面先有巨型羅馬式建築﹗好似將啲教堂呀、城堡呀甚麼o既搬咗入嚟咁~
都幾興真人show呢，有好幾個館都見到呢啲咁o既玻璃屋，意大利館o既時裝好興盛嘛，所以就搵咗幾個裁縫嚟，真人show咁係入面造衫~
意大利館都好大，有兩層樓呢，中庭位置展示咗幾件巨型晚裝，兩幅大牆分別有一大幅十幾套o既名師時裝，另一邊牆就有一隊管弦樂團o既樂器直立咁企係牆上面~
原來下一屆世博就係米蘭搞呢，唔知到時有冇機會去？day話，到時如果帶住啲好細o既B去就會好辛苦了~唔知呢？
呢個好勁﹗有好多個人係牆上行出嚟，你可以用手截住佢哋o架，跟住佢哋就會同你講嘢or唱首歌or演奏樂器﹗不過佢哋講o既係意大利文呢~
意大利館o既外型唔算奇特，不過線條簡單得嚟我都好欣賞~呢個係「自拍王」得意作品之一﹗大家有冇發覺好多時去旅行搵啲行人同你影相，影出嚟多數都唔係太滿意…:p 我哋呢張相嘛，係放係垃圾筒上面較10秒自拍﹗yeah~
而盧森堡館就正正係意大利館旁邊，雖然唔係咩出名o既大館，但又唔駛點排嘛，咪入埋去睇囉~
排隊時見到有舞者係度練習~優美地踢起水花~
內部環境可能太舒服吧﹗有好多人(請睇左邊﹗)係度休息呢~:p
呢種有本國人講講現況，展望未來o既巨screen展出係好幾個國家館都有見到呢~
盧林堡館我諗最有看頭就係呢個巨型直立花圃了﹗好多七彩o既花花~
咁靚o既花梗係想同day合照啦，於是重操故技…
oops，十秒實在太長了﹗總係第九秒時有人經過﹗
唯有試下兩秒自拍﹗哈，都趕得切﹗不過人多係一個事實，無論幾多秒，都一定會將其他人拍入鏡頭入面o架啦~
盧森堡館仲有樣好…
天台位置可以影其他館影得好靚﹗左手邊o既係羅馬尼亞館，右手邊o既係克羅地亞館﹗
轉個頭睇呢一邊，分別係左起o既意大利館、英國館、法國館同埋…右邊呢個唔記得添﹗我哋應該冇入過去呢個~
待續
============================================
感謝 Rita 提供以上資料
Rita的網誌: http://www.wufamilyblog.com/~rita/
============================================
累積瀏覽 253186
全部攻略 705
全部回應 10
