20-6-2010：上海世博遊day 5．城隍廟、豫園、南翔小籠包、阿信的展覽

嚟到旅程o既最後一日，今次個trip雖然最主要係去世博，但day都係第一次嚟上海嘛，點都去下啲上海景點啦~所以時間雖然唔係太多，但我哋都去咗城隍廟、豫園，行咗少少街，另外仲有意想不到o既驚喜呢~

間酒店雖然差差地，但房入面o既東東都幾老實喎，呢樽巨水4公升，好似賣RMB 6？我哋呢幾晚係酒店時就靠晒佢啦，heehee，慳番唔駛煲水飲~

之前唔知有冇講過呢，我哋間酒店位置上都幾方便o既~出入搭地鐵最好﹗

最近o既地鐵站就係呢個老西門站了﹗好似今次將要再去時住o既華美國際都係附近？

城隍廟其實係一堆古色古香o既建築群旅遊區，所以都算乾淨、光鮮~亦可以係度買到souvenir~

full of people﹗人多到極點丫﹗本身呢啲旅遊景點已經多人嚟，仲要適逢世博期間，遊客特多﹗呢度都唔算誇張，第一日我哋去南京路時，條行人路根本容納唔到咁多行人，好多人都要行馬路，都不知幾危險~

海寶、海寶、海寶、海寶~~~~最終都冇買一隻返屋企呢~

雖然同城隍廟唔係太搭調，但我哋都買咗杯starbucks嚟飲﹗呢個係時間限定product嚟o架喎，香港冇o架~係綠茶黑芝麻冰沙~幾好味﹗尤其day好鍾意芝麻呢~

我哋入去豫園參觀﹗

亭台樓閣，園林美景，個個角度都影到靚景呢﹗我哋就不斷練習「自拍王」，所以都有唔少兩人合照o架~有一段時間落咗少少雨，好在都唔太影響行程~

好似係day叫我去扮下少女情懷的﹗呵呵~

自拍王之一~

其實呢張自拍王我都覺得唔係太理想，因為後面太多人，比較混亂，但搞笑o既係，我哋影完呢張之後睇睇效果啦，有個唔識o既大叔又望下我哋個相機，然後講咗佢「挺不錯啊~」，哈﹗有人讚下，少少飄飄然添~

呢張自拍王都唔錯，綠油油的~

不過，最滿意都係呢張﹗因為有層次呀~唔似自拍吧~呵~呢張相都做咗我部電腦o既wallpaper都有一段時間呢~

另一重點項目﹗食南翔小籠包﹗

排隊都排咗一個鐘呀，值唔值得就見仁見智啦~不過我哋經過世博o既試鍊之後，嗰區區一個鐘o既排隊時間好快就過去了，加上我哋又用iphone apps玩咗鋪飛行旗，都唔覺得等咗好耐~條隊唔係緩慢前進o架，而係一陣陣咁郁，因為啲小籠包蒸唔切﹗一出爐就賣光賣，又要等下一批次囉~

好味~當然又未至於讚歎不已咁啦~

我哋行咗陣鋪頭，印象中都冇話買咗啲咩特別嘢~後來好似行咗入一個結婚專門商場，不過當時距離婚期都尚早呢，都未有需要買住~

行下行下去咗個公園~(唔記得叫咩名添…)

如果到咗夏天，開滿晒荷花的話一定好靚了﹗

呢個公園…最最最重要o既係，我哋偶然遇上咗一個展覽﹗

係五月天阿信有份參展o既「純真年代」展覽﹗三個年輕藝術家展示出各自o既當代藝術品~

如果用潮流雜誌o既字眼，呢啲artwork可以被形容為「玩味十足」吧~波鞋頭o既恐龍、拎住紙扇o既古希臘雕塑、猩猩面o既奧巴馬…

另一邊廂有唔同造型o既公仔﹗我旁邊有小飛俠，day旁邊就有Batman﹗個展覽廳都幾開揚舒服o架~總共有兩層﹗

上面o個層就展出阿信o既作品﹗留埋個言先~多謝三位創作人﹗

難得睇到一個別開生面o既展覽，都算係好好彩咯~

出番去個公園，咁多男男女女中老年人o既？地下又有好多貼上文字o既紙袋？﹗上面寫o既係啲年輕男女o既個人資料，原來佢哋係媒人嚟o架~乜上海都流行咁樣搞相親o架？﹗點樣安排呢？究竟成功率有幾高呢？

我哋返去拎番行李就出去機場lu，結果飛機又delay咗好多﹗好似成兩個鐘丫~返到深圳都好夜lu，唯有坐機場巴士再轉的士，經皇崗口岸返香港咯~深圳灣口岸close咗lu~

今次個上海世博trip，有別於平時o既假期，假期完咗之後累到成個人都散晒﹗哈哈~一啲都唔relaxing，非常搏盡丫﹗好後悔冇請多一日假，休息一下先再返工…下次都係唔好制…anyway，都係一個好豐富又開心o既trip呀~

上海世博遊–完滿結束﹗

前往其他中國旅遊blog

============================================

感謝 Rita 提供以上資料

Rita的網誌: http://www.wufamilyblog.com/~rita/

============================================