19-6-2010：上海世博遊day 4(part 2)．城市足跡館、茶、日本館

雖然話中國館同埋幾個主題館有得用預約券，但事實上都唔係太關大家事，中國館嘛，入場時都未過到安檢就已經派光光了(anyway，嚟緊下個星期再出發去上海，今次可以入到去中國館了﹗yeah~)，其他主題館嘛，其實都唔駛點樣排隊…基本上好快都入到館，最終我哋有享用到呢個服務就只有一次﹗就係入去主題館之一o既城市足跡館了﹗

都值得o架，你睇，我哋嗰邊可以直接入去，而排隊嗰邊都有個蛇餅係度﹗沾沾自喜中…之前過嚟睇一般都要排兩個鐘以上呢~

城市足跡館都好大，好多part，好多嘢睇~

四面八方o既「牆壁」其實都係screen，可以project啲影象上去﹗所以嘛，剎那間就變化萬千﹗

唔係好記得添，係邊個古文明o既建築呢？係咪巴比倫？定係印度呢？有冇人可以話我聽？heehee~

呢個模型真係好勁﹗開始時係就咁一片滑滑o既平面，所謂「大國崛起」，係咪就係咁？成座城市由個底度冒出來﹗型﹗

木馬屠城記嗰隻巨型木馬﹗

呢邊似乎係啲歐洲o既區域了~張相o既左邊應該係江戶時代o既日本，有啲好古老o既街道o既樣子~

行番出嚟，熱呀熱呀熱呀~好在呢個上海企業聯合館(?!全名忘了)有啲噴水裝置，經過時可以涼快一下﹗

下晝o既兩三點往往係最多人o既時間，排咩隊都好inefficient，本身排一陣o既都要變成三個鐘，咁好唔抵嘛，況且我哋頭兩日都去咗唔少地方了，所以我哋決定…

hea﹗

搵咗個景觀好、舒適o既cafe，坐低嘆番杯咖啡先~day就睇下金庸(我哋專登帶來排隊睇的﹗)，我就玩下iphone~悠閒咁休息咗一段時間~幾好丫﹗

接住落嚟都有重頭戲喎~就係有得睇show，叫做「茶」~

因為演出時唔準影相，所以只係影一影個theatre咋，呢個show都好impressive﹗主題係茶，其實內容係啲雜技、舞蹈等等o既東東，中國人o既雜技真係世界數一數二的﹗有的有新意，有的雖然係舊idea，但係高難度到非常極限+演出完美的，令人驕傲o既一個show﹗推薦呀~故事性就一般啦，不過都唔係好重要o既~因為有咗「茶」呢個主題，所以服裝呀、佈景呀都係圍繞住主題，啲衫衫都好華麗呢~

天黑了，原來韓國企業聯合館係夜晚時又另一番景像呢~

what is this？﹗居然有人造雪，六月飛霜﹗浮誇﹗

雖然明知排得好辛苦，但一場嚟到，口碑又好，我哋都係決定夜晚去排下個日本館…

人山人海…as expected…

買咗dinner邊排邊食…可惜係難食o既中式快餐…早知買KFC啦，質素好似有啲保證…

館內唔准影相呀，我哋都好乖，所以一張都冇，最後排咗三個幾鐘先入到去，其間都有啲躁，因為有啲人真係勁差勁囉，唔係係條隊入面打尖，而係係外面o既人趁機會直頭跳入嚟條隊入面，which is嗰個位我哋已經排咗兩個鐘先到o既囉，大家起哄要啲secu趕番佢哋出去，好似都唔成功，但就阻止咗之後o既人再有類似舉動~

其實排呢三個幾鐘都唔係太抵，因為夜了，就快閉館，現場show都結束了，成個日本館只開放三分之一，行咗?半個鐘左右就行完囉~都幾好睇o既，又係啲高科技東東，入面都靚~但相比起嚟，德國館都係贏咗我今次心目中o既最佳展館(out of我睇咗嗰啲啦~)~

差唔多閉館lu，經過韓國館啲美女staff都向大家鞠躬致謝呢，佢哋o既制服好靚呀，好似大韓航空o既空姐~

入去世博三個full day，嚟到呢度結束了，最大o既印象係，好攰呀﹗因為實在太搏盡了~行咗好多路，腳板底都扁咗~但都有好多印象深刻o既精彩展館，雖然逼、雖然辛苦，但都要推薦一下大家嚟世博逛一逛的，入得唔多展館都叫做開下眼界丫﹗

下屆米蘭世博，唔知有冇機會去下呢？(幻想中…)

待續

============================================

感謝 Rita 提供以上資料

Rita的網誌: http://www.wufamilyblog.com/~rita/

============================================