探險家攻略 > 18-5-2008：烏蠅之城

18-5-2008：烏蠅之城

由 Rita 於 2008-05-18 00:00:00 發表 | 累積瀏覽 388

分類：

我o地由delhi出發去兩日兩夜o既agra短trip，因為之後仲會番去delhi，所以可以輕鬆揹小背包出發去agra﹗但因為火車六點幾就開，我o地四點幾就要起身o羅~好在火車站離酒店好近o者﹗

今日坐o既係cc class，即是冷氣座位卡，高級o野o黎o架~有火車餐食﹗我o地訂票時已經要揀veg定non-veg餐lu~所以都滿有期待呢~開車冇幾耐就開始派餐lu~

都幾有派頭﹗一人一個熱水壺，熱水用o黎沖奶茶~而食物就有餅乾、糖果…但，吓？咁少o野食o既？都有少少失望添…墊紙寫住唔同飯餐o既菜單，先知道我o地呢餐叫morning tea，咁，我o地即是有冇得食早餐o架？坐兩個鐘就落車o架lu喎~算啦，唔好諗啦，費事失望啦，食完呢個morning tea，就瞓覺lu，今朝太早起身啦~

哇，太高興了﹗後來有人叫醒我o地食大早餐呀﹗原來真係有o架~仲要豐富過長榮o既飛機餐﹗有奄列、青豆、薯條、麵包、果汁﹗太好了~

我都係第一次坐火車有人serve「火車餐」o架咋~

食完冇耐就到agra lu~我o地join十點半出發o既local tour去fatehpur sikri，所以有一個幾鐘o既時間~但因為book酒店時搞錯o左地點，由火車站去酒店唔係太近添，所以我o地決定留係火車站，坐到夠鐘o羅~

嗚哇呀~~~~~~~~~~~~~agra cantt火車站，好討厭呀﹗我要封呢個地方做「烏蠅之城」，極多極多極多極多極多極多極多極多極多極多極多極多烏蠅﹗成個火車站周圍都佈滿住烏蠅﹗一個地板有幾百隻烏蠅坐係度o架o羅~然後你坐係度，就有十隻八隻唔肯走o既烏蠅圍住你﹗好討厭啊﹗雖然佢o地唔造成即時o既傷害，但真係好煩、好討厭﹗唔鍾意agra呀﹗諗住出去外面行一行，周圍都係咁多烏蠅~

好不容易等到夠鐘集合…集合前去火車站o既洗手間，都係污糟到決定唔去…唔鍾意agra呀﹗

我o地今日去o既地方叫做fatehpur sikri，係一個舊城遺蹟，距離agra cantt車站一個幾鐘頭車程，坐住non-AC旅遊巴，真係夏日炎炎正好眠﹗大家呼呼大睡~

大概五百年前，mughal帝國o既akbar大帝搬o左個首都去呢度，起o左個城、皇宮，同佢o既三位太太住係入面，亦係處理政事o既地方~

因為agra一帶都盛產red sandstone(紅砂岩)，所以呢頭好多舊建築都係紅色o架o羅，番到o黎睇番D相都唔係好記得邊一楝係邊一楝lu…

呢個我記得﹗我同angela用手比劃「大細超」~akbar有三個太太，佢想令國家唔同民族、唔同信仰o既人團結一致，所以佢對佢三位分別係伊斯蘭教、基督教同埋印度教o既太太都好好~但係呢，唔多唔少都有大細超之嫌﹗印度教太太間宮殿最大間，而後面呢楝building係hindu太太o既私人廚房﹗因為佢係素食者，所以食物要分開處理，一個人有一個大廚房，仲唔係大細超？

參觀完宮殿o個part，我o地去另一邊，係伊斯蘭教o既清真寺，mughals係伊斯蘭教徒，所以咪有清真寺o羅~唉，又係俾人刮一筆o既時候﹗我著住一條唔係太短o既裙…但一接近間清真寺，就俾人搶住幫我圍條布係下身…咁熱情？因為等我出o黎時可以問我拎錢丫嘛~係印度係咁o架啦~咁我咪俾o左佢Rs10 o羅~

我o地上午o既旅程結束了，有D團友參加full day tour，佢o地下晝就繼續，但番去agra市之前，我o地被逼去一間餐廳食lunch…算數啦，都唔係特別貴o既~

跟住就回程番agra lu~

我o地決定下晝唔安排其他行程啦，因為agra o既其他景點聽日一整天包車去更適合﹗所以今日就早D番去休息啦~去到酒店，lobby都貫切「烏蠅之城」o既稱譽﹗成地烏蠅﹗我懷疑因為天氣太熱，所以烏蠅都唔出動，要休息一下，趴晒係地~佢o地應該到太陽落山先出去搵食﹗哎吔，總之D烏蠅唔入房就好﹗

夜晚我o地叫room service o羅，嘆埋奶茶﹗呢間好好呀，糖係分開加o架，終於唔駛飲D印度超甜奶茶了﹗

中間發生小插曲呀，因為朝早搭旅遊巴時，stanley撞親隻手，點知時間過去，手肘越來越腫，擔心之下，夜晚出o左去睇醫生，番o黎時嚇我o地一跳﹗佢打o左石膏﹗原來，唔怕唔怕﹗冇骨折，只係拉傷軟組織，呢度D醫生幫佢immobilise o既方法就係打石膏，或者咁樣係最平o既方法吧？冇大件事就好~(點知呢個non-compliant o既病人第二朝就自己拆走個石膏﹗)

睇電視，睇o左harry potter第四集火盃的考驗，不過主角都係講印度文的，好在有超級fans connie解畫~後來又有「the island(荒島叛變)」，睇D睇過o既戲就簡單D~結果都睇唔完呀，因為太眼瞓了﹗睇到瞓著~

待續

前往其他印度旅遊blog