17-5-2008：節目豐富@新德里

由 Rita 於 2008-05-17 00:00:00 發表 | 累積瀏覽 410

分類：

o黎到delhi o既第二日，我o地參加o左local tour，因為個local tour可以有旅遊巴帶我o地去D比較遠o既地方嘛~如果要自己安排交通的話就會麻煩D o羅~又要同auto rickshaw司機講價…而且呢個tour確實幾抵﹗

去到集合地點，有個黃皮膚、中國人面孔o既人同我o地講o野﹗原來係新加坡人呢~佢o黎呢度工幹兩個月，趁weekend出o黎遊覽一下，佢見到我o地好高興呢，大家係度吱喳，分享一下印度o既「生存之道」﹗睇o黎佢好耐冇見過華人呢~所以特別興奮﹗

第一站去jantar mantar(天文台)，係o個度有好多超大型o既器材，靠住太陽、月亮o既光，可以計算年月日時，聽講都好準o架~不過而家器材D刻度冇保養，所以用唔到lu~

後面紅色o既就係其中一個工具喇﹗你睇，新德里o既市容幾靚~建築物新、樹木多~

之後去一座印度教廟，個名好長，叫做L乜乜N乜乜temple o羅~heehee~

座廟好新，係靚o既，不過感覺上冇乜個性咁…可能因為唔夠古老啩？

係新德里周圍都見到呢D地下鐵o既地盤﹗如果成個城市都有metro覆蓋的話，交通擠塞o既問題應該可以大大改善吧？

下一站去lotus temple，呢個廟o既background好古怪o架，都唔知係咩教o黎o既？﹗總之有個宗教係世界各地起D廟宇俾唔同o既人入去參拜啦，但教義係乜我又唔係好清楚喎，總之旅遊書講乜就乜啦~

不過lotus temple o既外型都幾靚o既~而且入面非常涼快﹗只係早早就要除鞋啦，我o地要係熱得不得了o既地面度行，尤如熱鍋上o既螞蟻一樣﹗

另一個比較遠o既就係qutb minar了，睇o既主要係呢個高塔~

呢個塔係由幾個唔同年代o既皇帝下令興建o架，因為要維持一致o既風格，所以睇唔出~

o個度仲有mughals時代o既建築~

係烈日之下行呢D咁空曠o既地方真係好辛苦啊~

番去我o地o既AC旅遊巴，呢個半日o既local tour就結束了~其實個tour有下晝行程，計埋就full day o羅，去o既係舊德里o既景點，不過我o地打算自己去，到時可以逛耐D丫嘛，所以就只join半日o羅~所以我o地係呢度要同新加坡人say goodbye啦(但我最終都唔知佢叫咩名添…)~

食個lunch再繼續下晝o既行程﹗但…行o黎行去，附近冇乜餐廳添﹗因為肚子餓，費事搵咁耐，hee，就食麥當勞啦﹗噢，係o個度又撞番新加坡先生添~

經過一番討論，下晝決定去national rail museum(鐵路博物館)，黃昏時份再去dilli haat，o個度係一個market之類、售賣各式手工藝品o既地方~係旅遊地圖介紹o架~

其實對個museum期望都唔係太大，因為收費極平﹗

咦，原來範圍都幾大喎~

入面有一個展覽館，展示印度鐵路百幾年來o既進程，同埋一D舊o既機器之類~戶外仲有好多好多好多火車頭同埋車卡添呀~影相o既好地方﹗我o地都係o個度都行o左唔少時間呢~

點解要同呢個auto rickshaw司機影相？﹗犀利咯﹗佢就係尋日載我o地去tourist information centre買local tour門票o個個司機﹗成個delhi咁大，我o地居然係兩日之內撞到佢兩次，實在太有緣了，點都要影一張相﹗

去到dilli haat，其實賣o既物品種類都同外面o既紀念品店差不多呢~賣D披肩、小擺設、袋袋、衣服等等…我買到去grad din時用o既披肩呢~希望同條裙襯起o黎會好睇啦~

行到七點左右，我o地番酒店先食飯lu~食完飯當然要去酒店o既網吧上上網啦~yeah~

待續

前往其他印度旅遊blog