17-3-2007：小小family周末度假trip

由 Rita 於 2007-03-17 00:00:00 發表 | 累積瀏覽 406

分類：

先補寫好尋日(今日已經係18-3-2007)o既diary先，因為上o左大陸，今日一朝先番o黎香港，所以未有機會寫~

尋日一早就出發去康湖lu，八點幾就係屋企出發﹗好難得的可以一家四口一齊去~之前多數係爸媽做「膽」，我同家姐就一時佢得，一時我得，一時我o地兩個都唔得，所以都好耐冇一齊去lu~其實車程去深圳都好順利o架，但因為我o地想坐直入我o地屋苑o既村巴，但去到車站時又o岩o岩走o左一班車，係o個度耽誤o左少少時間o羅~冇o既，有D位可以坐住o黎等，咁咪同家姐吱喳下o羅~

落車時都差唔多到食飯時間lu，我o地決定係「無名餃子館」食埋lunch先番康湖屋企~我o地係呢間餐館o既多年捧場客啦﹗佢o既分店都越開越多，越做越旺﹗有幾樣必吃o既菜式，一定要食餃子啦，水餃、蒸餃、煎餃，乜都有﹗但似乎都係水餃最好，粒數又多，沾醋同醬油o黎食就好~另外一定要叫豆沙餅、葱油餅﹗有別於一般o既豆沙餅會油油的，過甜過「漏」，佢就唔會喇，薄薄的一層豆沙夾係中間，餅做得好薄，又乾身，非常好味，食得多都唔會厭，趁熱食就最好了﹗仲有松子魚啦，短時間之內師傅已經可以將條魚片成三片，再將魚肉切花(好似煮魷魚咁~)拎去炸，切過花o個邊就會漂亮地張開一格格(好似食芒果咁~)，外面就似金黃色o既松子，又真係加有一粒粒o既松子落去喎，另外個酸甜汁味道o岩o岩好，唔會過酸~百吃不厭﹗同埋呀，叫呢個松子魚會送魚湯o架，一魚兩吃﹗其實仲有元蹄、龍骨、薰雞都好好味，不過呢D要再多D人先可以叫lu~

行番入康湖時，見到…滿目瘡痍﹗

咩意思？因為D樹長得越o黎越大棵，住戶投訴D樹阻住自己個窗，咁管理o個邊咪剪剪剪o羅，但唔知係咪撻皮唔想擒高樓梯剪D枝，佢o地竟然鋸樹榦﹗﹗﹗實在太殘酷了﹗幸運o既可以生番D嫰葉出o黎，唔好彩o既就此再見﹗呢D樹就係可以重新振作o個批，但媽咪形容佢o地好「老積」，好似細路仔扮大人咁，樹榦咁粗，但葉又咁少~令佢聯想起「十兄弟」D髮型﹗尤其係大哥同二哥﹗哈~

o岩o岩剪完o個批咪就係剪到咁o羅~你睇下幾離譜~

番到去我o地自己間flat，相機都拎o左出o黎咯，影一影天台D植物先~非洲菊好靚吧？

天台抬頭o既景色~

聽我講過好多次o既「康湖」咪就係D咁o既樣o既樓o羅~我o地間flat係三樓o既複式單位~

走動一番之後，同媽一齊舖好全屋o既床舖，哇哈哈，準備就緒，睡—-午—-覺—-﹗其實我諗住小睡一會o架咋，之後起身溫下書~點知…噢…瞓到四點幾，媽咪叫我先起身﹗

出發去樟木頭市中心去做facial，今次非常好，美容師為我修o左眉，感到好滿意~以前試過俾人修眉，哇，整到好幼，唔似自己個樣咁，從此就好抗拒，今次個美容師唔知我不嬲唔修眉家嘛，咁就跟番程序同我修，我一feel到時，見佢都開始o左咯，即管試下啦，哈，一做完即刻坐起身，又幾好喎~整齊得o黎又唔會唔見o左眉型﹗粗眉大眼先係我o既標誌嘛~

dinner去o左我o地一向好鍾意o既昌記，一定要叫煎釀豆腐啦，呢間舖頭就係矯正o左我唔鍾意食豆腐o既壞習慣o既地方，因為佢D豆腐真係好滑，而且豆味濃，釀o左少少豬肉餡，煎o左之後加個獻汁，正 ﹗次次都要叫﹗另外昌記o既三杯鴨都好出名o架，但今次冇叫~其餘o既小菜都好味~叫o左老火例湯，一窩四人飲，人人都有兩至三碗，實在叫人飲得太盡興了﹗

番到康湖沖個涼，超舒服，但都夜夜地，再開套戲o黎睇就太晏啦~所以係度睇o左陣davidson，爹哋又開o左D悶悶DVD o黎睇(其實睇落都唔係太悶o既…)，講三國o個D，咩「歷史層面」(三國志)、「文學層面」(三國演義)同埋「民間層面」(拜關帝之類~)去睇三國﹗其實睇落都幾有趣~所以我o既專注力就介乎DM oral hypoglycaemic agent同埋三國時代o既人物之間﹗

坐多陣都好眼瞓lu~好好瞓一覺﹗難得有得瞓闊闊床~第二朝又要匆忙咁走啦~